[retour à un affichage normal]

Accueil > recherche > Affichage d'une occurrence en contexte

Mazarinade n° C_2_19

Image de la page

Anonyme [1649], BALLET DANCÉ DEVANT LE ROY, ET LA REINE REGENTE SA MERE. PAR LE TRIO MAZARINICQVE. POVR DIRE ADIEV A LA FRANCE. EN VERS BVRLESQVES. , françaisRéférence RIM : M0_571. Cote locale : C_2_19.



TROISIESME ENTREE.
Les Partisans faisans les arracheurs de dents.
 
Par des raisons tres-equitables,
Nous voulons paroistre semblables,
A ces grands Arracheurs de dents,
Car nous sommes plus impudents,
Et mentons auec plus d’audace,
Que toute cette belle race,
Outre que nous sommes menteurs,
Nous sommes de tres-grands flateurs,
Et comme cette vile engence,
Cause bien souuent l’impuissance,
De macher ou manger du pain,
Et nous faisons auoir la faim,
Au peuple lors que trop credule,
Il soubsigne à nostre sedule,
O que nostre comparaison,
Est faite auec grande raison,
S’ils tirent vne dent de la bouche,
Lors qu’il branle quand on la touche,
Et nous l’argent hors des goucets,
Sans autre voyes ny procez,
Car nostre Auguste compagnie,
Ne veut pas qu’on le denie,
Aussi bien que les Arracheurs,
Nous parressons des grands prescheurs,
Ceux qui croyent à nos parolles,
Sans doutes sont des testes folles.
 
QVATRIESME ENTRÉE.
Le Mazarin habillé en vendeur d’oublie,
 
I’Ay quitté d’estre Basteleur,
Il faut estre trop grand parleur,
Pour bien faire cétte exercice,
I’ay maintenant vn autre office,
Ie vends d’oublies, des cornets,