[retour à un affichage normal]

Accueil > recherche > Affichage d'une occurrence en contexte

Mazarinade n° C_2_19

Image de la page

Anonyme [1649], BALLET DANCÉ DEVANT LE ROY, ET LA REINE REGENTE SA MERE. PAR LE TRIO MAZARINICQVE. POVR DIRE ADIEV A LA FRANCE. EN VERS BVRLESQVES. , françaisRéférence RIM : M0_571. Cote locale : C_2_19.



Sans doute en voyant nos habits,
Tissus de laine des brebis,
Et nostre teste mal coiffée,
D’vn vieux tafetas de trophée,
Vous pouuez iuger à nous voir,
Sans vous le faire plus sçauoir,
Qu’vne de nous est Maquerelle,
Et l’autre vne garce fidelle,
O le terrible changement,
Qui s’est formé dans vn moment,
Nous esperions auoir des Princes,
Ou des Souuerains des Prouinces,
Cette guerre nous fait bien tort,
Elle nous met presque à la mort,
Mais peut estre que la fortune,
Nous sera tousiours opportune,
Ce mestier n’est pas le dessein,
Que nous auons dans nostre sein,
Puisque mesme en nostre bel aage,
Nous auons nostre pucelage,
Selon l’estime de la Cour,
Mais il peut estre de retour,
Nous auons trop d’esprit encore,
Pour garder ce qui nous deuore,
Et nuit aux filles de quinze ans,
Qui veulent se passer le temps,
 
SIXIESME ENTREE.
Les Partisans representans les leueurs de manteaux.
 
O Que nostre industrie est bonne,
Nous meritons vne couronne,
Tissuë des plus lauriers vers,
Qui se trouuent dans l’Vniuers,
Depuis nostre Sentence iuste,
Que nostre Parlement Auguste,
A fait contre nous Partisans,
Qui tirannisions les païsans,
Nous auions conçeu cette enuie,
Afin de gagner nostre vie,