[retour à un affichage normal]

Accueil > recherche > Affichage d'une occurrence en contexte

Mazarinade n° C_11_11

Image de la page

Anonyme [1651], LA MORT FVNESTE DV CARDINAL MAZARIN AVEC SON EPITAPHE. Dediée à Monseigneur le Duc de Beaufort, Duc & Pair de France, & Protecteur du Peuple. , françaisRéférence RIM : M0_2497. Cote locale : C_11_11.



 
La fureur de cent Harangeres
Au tour de son colet luy frotter le museau,
Traiter indignement d’vn coultre ou d’vn cizeau
Ce fomenteur des guerres estrangeres.
L’vne l’esoriller, l’autre auec vn cousteau,
Luy dechirer le naiz, luy ratisser la peau,
Tout le mal en vn mot que l’art, & la nature.
Peurent iamais trouuer pour tourmenter les sens,
Et dont en fit mourir nos martyrs innocens,
Sont trop peu pour punir cet autheur d’imposture.
 
 
Ce partysan ce Chef de voleries,
Ce rusé Maltotier, ce mangeur des Chrestiens,
Fieffé monopoleur, rauisseur de nos biens,
De nos escus, & de nos pierreries.
Tyran double tyran, ministre demonté,
Impudique vilain, orgueilleux effronté.
Infracteur de nos Loix, & de nos Priuileges,
Rebut des nations, opprobre des mortels,
Approbateur des viols, commis sur nos Autels,
Et le seul protecteur de tant de sacrilleges.
 
 
Quoy ? l’oppresseur de l’innocente veufue,
Le Chef des Intendans, celuy des Fuzeliers,
Le pere nourrissier des Gargans, des Telliers,
Ne viendroit pas finir ces iours en greue ?
Hâ France que fais tu ? l’ennemy de ta paix,
S’il t’eschappe vne fois tu ne l’auras iamais,
Vn iour il te nuira, s’il sort de ton Empire,
Tes voisins qui par tout respectent tes Arrests,
Et ceux qui contre tous portent tes interests,
Bien loin de t’estimer n’en feront plus que rire.