[retour à un affichage normal]

Accueil > recherche > Affichage d'une occurrence en contexte

Mazarinade n° C_5_73

Image de la page

Anonyme [1649], LA IVSTIFICATION DV PARLEMENT ET DE LA VILLE DE PARIS DANS LA PRISE DES ARMES ; CONTRE L’OPPRESSION & Tyrannie du Cardinal Mazarin. , françaisRéférence RIM : M0_1796. Cote locale : C_5_73.


memoire des Trahisons & Vespres Sicilienne. Sçachant que
c’est la coustume lors que nos Roys vont en l’Eglise de
Nostre Dame de Patis, pour rendre des actions de graces
des victoires remportées sur leurs Ennemis, de faire mettre
sur leurs passages toutes les Compagnies des Gardes Françoises
& Suisses en armes : Il a pris le iour destiné â cette
ceremonie pour le remerciment enuers Dieu du gain d’vne
si grande bataille pour faire executer cet enleuement projecté ;
Car se seruant de l’occasion des Compagnies des
Gardes Françoises & Suisses, lesquelles auoient occupé
toutes les places du passages du Roy de son Palais iusques
en l’Eglise de Nostre Dame ; A peine cette action
de grace à laquelle le Parlement fut inuité & assista, fut-elle
acheuée le vingt-sixiesme du mois d’Aoust dernier,
qu’au mesme moment faisant aduancer quelques soldats
vers les aduenuës du logis de Monsieur de Broussel scitué
aux enuirons de l’Eglise de Nostre-Dame, l’vn des plus sages
& des mieux intentionnez Conseillers de la Cour pour
le seruice du Roy & le bien public : Il le fit enleuer à main
armée de sa maison, Monsieur le President de Blasmeny,
receut au mesme temps vn pareil traitement, & le mesme
iour il fit exilet plusieurs autres Officiers de ce Corps par
des Lettres de Cachet, Que peut-on dire de cette action,
ou plustost de cette lascheté, laquelle a changé le matin dudit
iour dedié à vne resioüissance publique en vn soir de
tristesse & de pleurs ; Sinon que le Cardinal Mazarin
par vne trahison Italienne a changé vn Sacrifice de
loüange en vn Sacrifice sanglant ; s’est seruy d’vne saincte
action pour violer la Foy publique, a terny le lustre d’vne
iournée glorieuse, changé le repos en trouble, la lumiere en
tenebres ; Enfin qu’il a voulu immoler à sa fureur des Officiers
du Parlement comme des victimes.
 
Dans cette occasion laquelle causa en mesme temps vne
émotion populaire les Habitans & Bourgeois de la Ville de
Paris, Quoy qu’ils eussent tous sujet de prendre les Armes,
pour s’opposer à vne violence si publique, qu’ils sçeurent n’auoir
esté executée que par les Ordres du Cardinal Mazarin,
ayans eu raison de croire qu’on en vouloit à leur liberté puis
qu’on attaquoit celle du Parlement, & qu’on emprisonnoit