[retour à un affichage normal]

Mazarinade n° C_5_67

Image de la page

Anonyme [1649], LA IOYE CELESTE PAR L’APPARITION D’VNE NOVVELLE ESTOILLE SVR LA VILLE DE PARIS : AVEC L’EXPLICATION DE ce qu’elle signifie. , français, latinRéférence RIM : M0_1737. Cote locale : C_5_67.

paroistre à vostre retour. C’est en desemblables rencontres
que les Philosophes les plus serieux se relaschent
auec le reste de vos sujets quand il s’agit de
faire voir aux yeux des Princes l’aise que l’on reçoit par
sa presence. Il est tres certain, ô grand Roy, que le Ciel
par l’apparition de cet Astre prend part à nostre ioye,
& que c’est vn flambeau qu’il allume pour éclairer vostre
triomphe, & qui aduertit vos peuples du culte
qu’ils vous doiuent rendre apres celuy qu’ils doiuent à
Dieu le croy qu’il me sera permis de leur dire en cette
conioncture ce que dit iadis vn excellent Poëte
aux Romains vostre felicité se conseruera par la continuation
de vostre pieté enuers Dieu, & de vostre soumission
& fidelité enuers le Prince. Le mespris de la
Religion a esté vne des causes de tous les malheurs
qui ont fait gemir l’Italie. Les aduis qu’il donne à ce
peuple qui de luy mesme estoit assez religieux, puis
qu’on remarque que des ceremonies publiques ont
esté recommencées à diuerses fois pour le moindre
scrupule que l’on formoit, peuuent estre communiquées
à vos vassaux. Quant à la fidelité qui est si necessaire
à la conseruation des Empires, il est tres-certain
qu’elle se conserue glorieusement dans le cœur de vos
sujets & que vous pouuez iustement dire que si vous
les aimez qu’ils vous cherissent & qu’ils vous reuerent.
Cette Estoille qui ose paroistre en plein Midy vous
vient faire la Cour, ô mon cher Monarque, & quoy
qu’elle nous oblige de leuer les yeux au Ciel pour la
contempler nous pouuons dire que nous ne la regar
dons que comme vne chose extraordinaire, & que