[retour à un affichage normal]

Accueil > recherche > Affichage d'une occurrence en contexte

Mazarinade n° B_4_6

Image de la page

Anonyme [1652], LA HARANGVE DV ROY DE LA GRAND BRETAGNE, A LA REYNE DE FRANCE, Faicte au Chasteau de Sainct Germain en Laye le 6. iour de May 1652. sur l’arriuée des Deputez de Messieurs les Princes & du Parlement. , françaisRéférence RIM : M0_1560. Cote locale : B_4_6.


LA HARANGVE DV ROY
de la grand Bretagne, à la Reyne
de France.

MADAME,
Iusques à present i’ay eu crainte de vous parler ; ie
sçay que vostre bonté me permettra bien vn petit moment
d’audiance : c’est ce que pourtant ie n’oserois
entreprendre sans vostre commandement. Il se teut ;
Et la Reyne luy commanda de parler librement : Et il dit ;
Puis qu’il vous plaist, ma bonne Dame & Reyne, que
ie parle à vostre Maiesté ; ie luy diray en bref mes sentimens :
Vous ne sçauez que trop, que les testes Couronnées
sont les premieres attaquées d’enuie & des
suittes de la dissention ; qu’ils ne peuuent pas dire, ie
vis auiourd’huy, & ie viuray demain : Que tout va à
contre-poil de leurs volontez, & qu’vn peuple oppressé
se rend contre leur gré, ennemy de leurs prosperitez :
car il y a vne parole qui dit, La necessité n’a point de
Loy, & la mort point de Roy : Si donc il est ainsi, il ne
faut point douter que vous ne soyez bien-tost en la
mesme posture ou ie suis moy & Madame ma Mere,
vostre Sœur : Parce que l’on vous fait concourir à vôtre