[retour à un affichage normal]

Accueil > recherche > Affichage d'une occurrence en contexte

Mazarinade n° A_3_76

Image de la page

Anonyme [1649], LA GVYENNE AVX PIEDS DV ROY, QVI SE PLAINT DE SES ENFANS, ET QVI DEMANDE A SA MAIESTÉ la continuation de la Paix interrompuë. Discours Moral & Politique, qui monstre l’obeyssance que l’on doit aux Roys, & l’obligation à quoy leurs Majestez sont engagées d’aimer, & de conseruer leurs Peuples, dont ils sont les Protecteurs, & les Peres. , françaisRéférence RIM : M0_1536. Cote locale : A_3_76.


Couronne d’vn immortel honneur enuironnera vostre
chef, & les attours plus precieux de la grace ce leste,
qui est en vous, donneront vn éclat qui vous fera reluire
par dessus tous les Roys du monde ; tellement qu’il
sera de vos labeurs, comme de la massuë d’Hercule,
qui plantée en terre, germa vn grand & excellent Oliuier ;
car de vos veilles nous verrons naistre le repos, &
de vos peines la felicité d’vne paix asseurée.
 
SIRE, les maisons tombent lors que les poultres &
les cheurons sont pourris, que les gros murs se laschent,
que les toix sont gastez, & que le bois vermoulu n’a
plus de force pour soustenir sa charge. Aussi lors qu’en
ce vieil Royaume, qui a desia duré plus de douze cens
ans, les plus Grands, tant de l’Eglise, que de l’Estat Politique ;
lors, dis-je, que ces poultres de Cyprez, & ces
cheurons de Cedre seront rongez ou pourris par leurs
vices, par leurs impietez, & par leurs sacrileges, ou
qu’ils seront gastez par les diuisions, par les rebellions,
par les souleuemens, & les guerres intestines ; c’est lors
que le pere deuroit craindre la cheute ; & la ruine de cét
excellent bastiment des François ses enfans. C’est vn
miracle, SLRE, que la conseruation de vos Sujets, &
de vostre Estat, parmy tant de desseins, & des resolutions
obstinées de se nuire en nuisant, se blesser en blessant,
& se defaire en se defaisant. Ie veux bien croire
que l’Image d’or de la Fortune, qui estoit appellée Tres-sainct
Simulacre, a esté portée en vostre chambre Royale,
comme on la mettoit anciennement en la chambre
des Empereurs Romains. Si bien que quand l’Empereur
mouroit, cette Image estoit portée de sa Chambre
en celle de son Successeur, & ce d’autant qu’ils
croyoient que la Fortune estoit fille de la Procidence ;
tellement que sa representation en la Chambre Imperiale,
signifioit l’establissement & conduite du Royaume
par la mesme Prouidence. Ie veux croire tout cela,
& que la diuine Prouidence ; qui ayme tant les Lys, a