[retour à un affichage normal]

Accueil > recherche > Affichage d'une occurrence en contexte

Mazarinade n° A_3_76

Image de la page

Anonyme [1649], LA GVYENNE AVX PIEDS DV ROY, QVI SE PLAINT DE SES ENFANS, ET QVI DEMANDE A SA MAIESTÉ la continuation de la Paix interrompuë. Discours Moral & Politique, qui monstre l’obeyssance que l’on doit aux Roys, & l’obligation à quoy leurs Majestez sont engagées d’aimer, & de conseruer leurs Peuples, dont ils sont les Protecteurs, & les Peres. , françaisRéférence RIM : M0_1536. Cote locale : A_3_76.


peu ou point du tout. Ie fleurissois chez moy en vertus,
& particulierement eu Religion, en Iustice, & en Pieté.
I’estois abondante en Paix, & en richesses, i’estois
puissante, & autant redoutée de mes voisins, que cherie
& aymée de mes enfans, outre tant de prosperitez.
I’estois comblée d’vne infinité de faueurs, & de benedictions
spirituelles, d’auoir esté comme appellée par excellence,
la Guyenne, l’vne des plus belles & des plus
riches Prouinces du Royaume Tres-Chrestien. Le
Royaume de l’Eglise de Dieu, son heritage, sa part &
portion qu’il a choisie en la Terre, & le Royaume qui
a succedé au Royaume de Iuda. Au lieu qu’auiourd’huy
par vn changement bien estrange, ie me voy diuisée
de Foy, & de Religion, & ceux mesmes d’entre
mes Citoyens, qui sont vnis en croyance, ie les voy partagez
de volontez, de desirs & de pretensions ; ce qui
ne peut estre que des augures tres-asseurez & infaillibles
de ma destruction & entiere ruine.
 
Ie vous coniure, mes enfans, de vous ressouuenir ce
que i’ay esté autrefois par l’vnion & concorde de mes
peuples, & ce que ie suis maintenant deuenuë par leur
diuision. Considerez quelle a esté l’estenduë de l’Empire
François durant le regne de mes Roys, Charles le
Grand, & Louis le Debonnaire son fils : De ce temps-là
cette Monarchie, dont ie fay l’vne des meilleures parties,
estoit bornée par la mer Oceane, iusques à l’extremité
de la mer Thirrene & de la mer Noire ; de l’autre
par le fleuue Hebro d’Espagne, iusques au Danube
& Boustheue. Ressouuenez-vous que la diuision qui se
fit entre les enfans de ces deux grands Roys, de tant de
grands pays & de Royaumes, a reduit enfin la France
entre les Monts Pirenées, les Alpes, le Rhein, la mer
Oceane, & la Mediterranée.
Representez-vous encore les malheurs & les desastres,
qui sont arriuez à ce florissant Royaume, par les
grandes, cruelles & sanglantes dissentions des trois enfans