[retour à un affichage normal]

Accueil > recherche > Affichage d'une occurrence en contexte

Mazarinade n° B_5_34

Image de la page

Anonyme [1652], LA GENEREVSE RESOLVTION DE SON ALTESSE ROYALE DANS LA DERNIERE ASSEMBLÉE DV PARLEMENT: Par laquelle on peut connoistre tres-asseurement le desir qu’il a de donner la Paix Generalle, & le repos à toute la France. , françaisRéférence RIM : M0_1479. Cote locale : B_5_34.


Altesse Royale fit bien voir qu’il ne s’y deuoit rien
resoudre sur le sujet dont il estoit question que ce
que luy mesme en ordonneroit par la Declaration
authentique qu’il y fit de ses volontez, ausquelles
toutes les autres se trouueront conformes, n’ayant
rien de si naturel que de suiure ce qui est raisonnable.
 
Ce fut le 24. du courant que les Chambres s’étant
assemblées, sur l’auis qu’on auoit eu que Monsieur
le Duc de Nemours estoit entré en France à
main armée ; & que S. A. R. ayant esté supplié de
s’y trouuer ; ce grand Prince qui voyoit clairement
qu’il n’y auoit pas grande difficulté à resoudre sur
cette matiere, ne se pressa pas beaucoup d’y arriuer
de bonne-heure, ce qu’il fait d’ordinaire quand il
s’agit d’affaires d’Estat épineuses, & de difficile resolution :
il vint donc au Palais sur les neuf heures seulement,
où apres auoir esté receu à l’entrée de la
saincte Chapelle, ainsi qu’il est dû à S. A. R. Il fut
conduit à l’Assemblée ; en laquelle l’on proposa d’abord
si l’on deuoit donner vn Arrest qui portât defense
à Monsieur le Duc de Nemours, & aux siens
d’entrer dans le Royaume, & ordre de faire leuer
les Communes de Picardie, & autres lieux, pour
s’opposer au passage des troupes que ce Prince ameine
aux secours de Monsieur de Beaufort : la Cour
ne manqua pas d’estre partagée sur ce sujet à son ordinaire,
& il s’en trouua qui furent bien assez hardis