[retour à un affichage normal]

Accueil > recherche > Affichage d'une occurrence en contexte

Mazarinade n° B_14_35

Image de la page

Anonyme [1652], LA GENEREVSE RESOLVTION DE MESSIEVRS LES PRINCES, Prise en l’Assemblée du Parlement, ce iourd’huy 17. Iuillet, pour aller deliurer Messieurs les Deputez à Sainct Denis. Auec le décampement du Roy & de son armée. , françaisRéférence RIM : M1_119. Cote locale : B_14_35.


les cartes : Il portoit vne Lettre de Cachet,
qui est le Remora de Mazarin, par lequel il empesche
ce grand Vaisseau de paris, de voguer
d’vn costé ny de l’autre. Cela n’a pourtant pas
empesché la resolution de Messieurs les Princes,
sur la Detention de Messieurs les Deputez, qui a
esté d’aller ce jourd’huy les desliurer par force à
Saint Denys, où ils sont retenus par force, &
gardez par quatre cens Cheuaux & autant d’Infanterie
auec permission à tous les volontaires
qui y voudront aller de les suiure. Ie croy qu’ils
ne manqueront pas de gens dans vne si genereuse
resolution.
 
L’Armée du Mareschal de Turenne est décampée,
auec ordre de s’aller opposer au passage
des troupes de l’archiduc, que l’on dit estre
aupres de Soissons, elle fait bien en tout, seize à
dix-sept mille hommes. Le Comte de Fuensaldagne,
ayant douze à treize mil hommes, & le
Cheualier de guise trois à quatre mil de l’armée
du Duc de Loraine, qui le sont venus ioindre.
Le Roy auec sa cour est parti de S. Denis dés
quatre heures du matin, il tire vers Pontoise
pour delà aller à Mantes prendre vn lieu de seureté,
car le Milord d’Igby en est Gouuerneur,
& y a garnison de mille à douze cens hommes.
Le Courier qui est venu au Palais de la part
du Roy, demandoit encor des Deputez de la