[retour à un affichage normal]

Accueil > recherche > Affichage d'une occurrence en contexte

Mazarinade n° B_14_17

Image de la page

Anonyme [1652], AVX FRANÇOIS FRATRICIDES, PAR VN ECCLESIASTIQVE. , françaisRéférence RIM : M0_436. Cote locale : B_14_17.


pour ne luy auoir pas donné son veritable employ ; nous
aurons manié la Sainte Escriture, & passe souuent sur le
courage, & les diuines entreprises des Prophetes &
des Apostres, comme sur vne chose inutile à nos maux.
Nous voudrions bien qu’on parlast, mais nous ne voulons
pas parler nous mesme ; s’il est question des aduantages,
nous les voulons emporter sur les autres ; mais s’il
s’agit du trauail, du hazard, ou de surmonter sa crainte ;
nous renuoyons le tout sur autruy, & voulons bien le
deferer aux autres.
 
Il est vray qu’il faut faire penitence, Super Regnum
peccans, sur le Royaume pecheur, comme parle le Prophete,
qui par ses enormes pechés attire sur soy le juste
chastiment de son Dieu par la permission de tant de mal
qu’il souffre, & duquel il se peut dire ce que dit le Prophete,
Vniuersa domus Iacob induit confusionem : Toute
la Maison de Iacob s’est reuestue de confusion. Mais ce
n’est pas que, comme celuy qui est atteint de la maladie
corporelle, laquelle il doit prendre cõme vn chastiment
de Dieu, ne laisse pas d’employer les remedes pour recouurer
sa santé : Qu’on ne doiue aussi apporter tout le
remede possible pour deliurer sa Patrie des maux qu’elle
souffre, mesmes à raison de l’enormité de ses vices, pour
l’aider d’en tirer le profit que Dieu en pretẽd. Il faut donc
faire penitence ; mais comme S. Iean Baptiste, dont la
penitence n’estoit pas sterile, estant la source d’vne diuine
liberté à parler à tous petits & grands, & en leur
montrant l’agneau, il leur monstroit en mesme temps la
voye pour aller apres luy. Il faut deschirer sa crainte,
dissiper sa honte, rompre auec tout, pour la gloire de
son Dieu, & le secours de son prochain, ou il y a bien
plus de peine qu’à deschirer son corps.
Amos 9. 8.
[1 lettre ill.]. Machab.
1. 29.
Se taise donc qui voudra, ou celuy qui iuge qu’il est
bon de se taire : Pour moy ie m’estimerois dur de cœur,
d’vn costé, & bien delicat de l’autre, & traistre à la Religion,
à la raison, au veritable seruice du Roy, & au zele