[retour à un affichage normal]

Mazarinade n° B_14_17

Image de la page

Anonyme [1652], AVX FRANÇOIS FRATRICIDES, PAR VN ECCLESIASTIQVE. , françaisRéférence RIM : M0_436. Cote locale : B_14_17.

des aueugles, d’autanr qu’ils ont offensé leur Dieu ; Et
bien que les issuës de toutes ces affaires ne se presentent
pas à nos esprits aueuglés de l’essein de diuerses passions
qui estouffent l’esprit du Christianisme en vn si grãd
nombre de personnes ; toutesfois il ne faut pas se pocher
encore dauantage les yeux par le desespoir, ou par la negligence
à chercher son remede : mais ostant la cause de
l’aueuglemẽt, il faut tascher de recouurer la clarté de la
veuë d’vne diuine & esclairée prudence pour chercher ce
remede. Bref, bien qu’il semble qu’il soit vray de dire ce
que dit le mesme, Horribilis Deus super eos : Dieu est horrible
en la maniere de nous chastier, il veut pourtant que
nous esperions en luy, lors mesme qu’il nous rauit la vie,
& que nous disions auec Iob ; Etiam si occiderit me, in
ipso sperabo : Il a beau fondre sur moy auec le torrent
de ses chastimens ; le periode de leur mal, c’est de m’oster
la vie ; ils me l’osteront bien ; à la verité, mais non iamais
l’esperance en celuy mesme qui me froisse sous la
pesanteur de sa main ; & le dernier souffle de ma vie sera
le respir d’vn espoir en sa diuine Clemence ; C’est ce
qu’il veut de nous ; reprenant en saint Pierre le peu de
confiance en luy, lors mesme que la tempeste l’engloutissoit
sous les eaux. Modicæ fidei quare dubitasti ? Et il est
dit en la Sagesse. Bonæ spei fecisti filios tuos ; Vous auez fait,
ô mon Dieu, que vos enfans soient des enfans de bõne esperance.
Mais il ne faut pas que ce soit vn espoir oisif &
perclus ; mais plûtost vn espoir actif & remuant, qui applique
les moyens & les voyes que Dieu nous a laissé
dans les ordres de la Religion, dans les lumieres de la raison,
& dans les exemples des choses du passé.
 
Icã. 7. 53.
Loph. 1. 17.
C. 2. 11.
Iob. 23. 15.
Mais nous auons vne vertu vuide de force, preste à receuoir
des compliments & des loüanges, mais non pas des
opprobres & du rebut, ny à souffrir pour le prochain : Vertu
bien eloquente lors qu’il ny a rien à craindre, & muette
quand il y a de la perte ou du peril ; à faire, ou à parler.
Nous nous verrons tout à coupaccablés sous les ruines,
apres auoir fort medité, & bien discouru de la vertu ;