[retour à un affichage normal]

Accueil > recherche > Affichage d'une occurrence en contexte

Mazarinade n° B_14_17

Image de la page

Anonyme [1652], AVX FRANÇOIS FRATRICIDES, PAR VN ECCLESIASTIQVE. , françaisRéférence RIM : M0_436. Cote locale : B_14_17.


que l’Apostre se donne, lors qu’il dit. Nos autem seruos
vestros per Iesum. Nous autres qui sommes vos seruiteurs
en Iesus-Christ : Mais plus pour le seruice du Roy ie le
regarde comme l’objet de ma veneration que la Religion
me propose, ie desire le seruir inuiolablement en tout ce
que ie tiens de Dieu autheur de la nature & de la grace,
qui m’oblige de le seruir en tous les deux. Ie ne doute
pas qu’il n’y en aye qui taschent de le seruir chacun selon
sa profession aux occasions presentes : Mais aussi ne
doute-je pas non plus qu’il n’y en ait qui pourroient en ce
sujet seruir l’Estat plus vtilement, le guerir de son mal,
le soustenir par leur secours fauorable ; & qui pourtant
le laissent aller dans sa pante, voyent ces accez, & se contentent
de dire, qu’il est malade, le voyent donner de la
teste dans l’abysme, & ne crient pas mesme apres luy pour
luy faire apprehender son desastre.
 
2. Cor. 4. 53.
Ou est donc la charité, ou est le zele, où est l’obligation
des membres enuers leurs Corps ? A quoy reserue-t’on
l’esprit & le jugement, le sçauoir, l’authorité, le courage,
la pieté, & le zele ? On se contente de s’entretenir des
malheurs, des euenements, & de dire, tout est perdu :
mais, voyõs, traitõs de ce qui s’y peut apporter de remede,
esclaircisons les grands & les petits, parlons à qui il faut,
employons nous en ce que nous pouuons : C’est iusques
ou ils ne vont pas. Ils sont comme ceux donc il est parlé
en l’Euangile : Et reuersi sunt vnusquisque in domum suam.
Chacun apres auoir discouru de ce qu’ils feroient sur ce
dont il estoit question, & s’estre vn peu eschauffés s’en
retourna en sa maison sans rien conclurre ; oubliant ou negligeant
d’y faire autre chose : Car ceux-cy font le mesme,
laissant aller les affaires & le public le courant, ainsi
qu’ils croyent, de son ineuitable malheur ; mais pourquoy
faut-il le croire ainsi Car bien que ce que nous ressentõs,
& la difficulté d’en trouuer l’issuë ; & soit vn effet des menaces
couchées dans le Prophete. Et tribulabo homines,
& ambulabunt vt cæci quia Domino peccauerunt,Ie battray
les hommes de mon fleau ; & ils iront à tastons comme