[retour à un affichage normal]

Accueil > recherche > Affichage d'une occurrence en contexte

Mazarinade n° C_5_13

Image de la page

Anonyme [1649 [?]], LA FRANCE DESOLÉE AVX PIEDS DV ROY : OV LE GOVVERNEMENT TYRANNIQVE de Mazarin est succinctement descrit. , français, latinRéférence RIM : M0_1423. Cote locale : C_5_13.


pour vous esloigner de vos plus fideles subjets, & pour obliger
vostre Majesté à estre tesmoin oculaire de sa barbarie, & de la
felonnie qu’il exerce enuers moy, à qui il a de si grandes obligations.
Et quoy que ce malheureux sçache que la douceur & la clemence
sont les plus grandes qualitez des Roys, il vous apprend
tout le contraire, il fait armer vostre authorité contre vous-mesme,
& vous rend spectateur de la desnaturée & ingrate guerre qu’il fait
à vostre plus Auguste Parlement, & à vostre plus belle & plus excellente
Ville, à celle qui est le plus agreable & le plus noble sejour
de vostre Majesté, à celle qui est comme le grand ressort de tout
le Royaume, & la ruine de laquelle entraisne tout le reste apres soy.
Ouy, Sire, il a allumé le flambeau de la guerre au milieu de vostre
Palais & de vostre heritage, & cepẽdant il a la hardiesse & l’effronterie
de paroistre deuant vostre Majesté ; il saccage la campagne,
il destruit les Villes, il perd toutes vos conquestes, il vole vos tresors,
il met vos champs en friche, il desole toute la nature, & renuerse
vostre Couronne & vostre Sceptre, & foulant aux pieds le
respect qu’il vous doit, son insolence luy fait gourmander vos Princes,
& mettre au desespoir tous vos peuples.
 
Prœdone perempto quiescam.

A PARIS, chez Arnould Cotinet, ruë des Carmes.