[retour à un affichage normal]

Accueil > recherche > Affichage d'une occurrence en contexte

Mazarinade n° B_7_60

Image de la page

Anonyme [1652], LA FRANCE A COVVERT SOVS LES LAVRIERS DES PRINCES. , françaisRéférence RIM : M0_1413. Cote locale : B_7_60.


pour chastier ses ennemis, mais trouue aussi
les moyens iustes & legitimes pour les faire subsister.
Car qui ne void que ce seruant des deniers publics
pour le bien du publiq, qu’il fait vn action
pleine de pieté & de iustice, ces deniers ne se doiuent
point donner que pour la conseruation de
l’Estat & pour le garentir des oppressions des tyrans
& des estrangers : certes ne prendre point les finances
du Royaume pour faire la guerre contre le Cardinal
Maz. est les luy laisser en proye & luy donner
des armes pour destruire toute la France, & par
ainsi son A. R. bien loing d’auoir quelque scrupule
de se seruir de ces deniers pour soldoyer ses armées
doit croire qu’il y est obligé, puisque c’est les employer
pour leur veritable vsage. Aussi ce sage Prince
n’a iamais eu dessein de choquer l’authorité souueraine,
& en toute sa conduite il a fait voir clairement
qu’il ne faisoit rien pour ses interests, mais
pour la gloire & pour le bien de nostre Monarque.
 
Quelques Histoires rapporte qu’vn pere voyant
son enfant entortillé d’vn gros serpent, decocha
vne fleche auec tant d’adresse qu’il tuë ce couleure,
sans nuire aucunement à celuy auquel il se tenoit
attaché, sans doute qu’en cette action l’esprit
de ce pere fut en trouble, voyant le danger qu’il y
auoit, ou de laisser plus long-temps le serpent à
l’entour du col de son fils, & le peril qu’il y auoit
aussi pour l’enfant de tirer sur le serpent : Neantmoins