[retour à un affichage normal]

Mazarinade n° C_5_11

Image de la page

Anonyme [1649], LA FIN TRAGIQVE DE TOVS LES PARTISANS, ARRIVEE DE TEMPS EN TEMPS, ET TIREE DE L’HISTOIRE DE FRANCE. , françaisRéférence RIM : M0_1395. Cote locale : C_5_11.

qu’elles semblassent ne deuoir iamais estre saoules. O tempora,
ô mores, ô temps, ô mœurs que vous auiez grand besoin
de reforme.
 
Apres vous auoir rapportée la fin malheureuse des financiers
telle que ie l’ay extraite sans beaucoup de lecture des
Annales de nos Roys, ie croy pouuoir inserer icy la forme
ancienne des procedures qui se faisoient contre eux. Nous
la tirerons du regne de Charles 6. dans l’instruction du procez
qui fut fait à Montagu. Ledit Montagu estoit fils d’vn
Notaire & Secretaire du Roy, qui deuint si puissant, & si
peu reconnoissable dans la surintendance des finances, qu’il
esleua de somptueux edifices, achepta quantité de meubles
pretieux, fit des dépenses excessiues, donna à ses filles en
mariage de grosses sommes d’argent, deuint grand maistre
de France, & par ses somptuositez bien au dessous de celles
ou vit le moindre Partisan de ce temps present, se fit enuier
& regarder de prés par ses voisins, qui le defererent de concussion,
tant que son procez luy fut fait en la forme qui suit.
Il fut interrogé de quel pere il estoit fils, quels biens il auoit
de patrimoine, ou de successions escheuës, qu’elle vacation
il auoit faite en sa ieunesse, quels seruices il auoit rendus à
l’Estat, par quels moyens il estoit deuenu si riche, quels
dons il auoit receus de sa Maiesté, ou d’autres, qu’elle dépense
il auoit faite, quel bien il auoit, surquoy ne pouuant
satisfaire, il fut condamné.
Voila la forme ancienne dont on leur faisoit le procez,
laquelle est briefue & prompte pour conuaincre, ou pour
absoudre tels hommes. C’est cette maniere de procedures
dont on se peut seruir en ce temps, que l’on n’a pas de peine
à connoistre la naissance de nos financiers, pour estre encore
toute nouuelle, & que l’on voit sans beaucoup de recherche,
& en se promenant les biens immenses qu’ils possedent ;
aussi est-ce chez ces riches coupables qu’on peut trouuer
des thresors innocens, c’est chez eux qu’on peut prendre
vn fonds pour la subsistance des gens de guerre nouuellement
leués, fonds qui sera tousiours moindre que leur
reuenu annuel. C’est sur eux qu’on peut tous les iours mettre