[retour à un affichage normal]

Accueil > recherche > Affichage d'une occurrence en contexte

Mazarinade n° D_1_32

Image de la page

Anonyme [1650], AVIS AV MARESCHAL DE TVRENNE, SVR SON TRAITÉ AVEC les Ennemis de l’Etat. , françaisRéférence RIM : M0_478. Cote locale : D_1_32.


AVIS
AV MARESCHAL DE TVRENNE,
sur son Traitté auec les Ennemis
de l’Estat.

MONSIEVR,
Vous deuez croire que dans le dessein où ie
suis de rendre cét Auis pur, & sans passion, ie
n’ay point celuy du tout de vous traiter auec rigueur ny auec
courtoisie ; l’vne & l’autre quand elles s’exercent dans l’apprehension
& la violence du mal, sont trop peu legitimes
pour passer que pour des effets de la necessité : & si la France,
à qui l’oppression, non plus qu’à tout ce qui est né libre,
n’a sçeu iamais oster sa vertu, ny la dépoüiller de sa constance,
a esté quelquefois contrainte de ployer sous l’instabilité
des choses, on peut dire au moins que la douleur a toûjours
irrité son courage & aiguisé sa vaillance ; mais qu’elle
n’a iamais sçeu ce que c’est de ces craintes honnestes & specieuses,
qui tesmoignent que nous ne voulons point d’ennemis
puissans.
Ceux qu’il a pleu à Dieu de luy départir depuis deux siecles,
luy ont tousiours esté chers à vn point, qu’elle s’est le
plus souuent moins reposée sur ses Armes, que sur leur probité,
& dans les plus solemnelles negociations, & qui estoient
de la plus estroite obseruation, elle s’est treuuée abusée d’vne
certaine confiance, qu’elle croyoit deuoir estre le fondement
de tout commerce, & sans laquelle en effet, il n’est guere
possible de nuire ny de profiter à personne.