[retour à un affichage normal]

Mazarinade n° D_1_32

Image de la page

Anonyme [1650], AVIS AV MARESCHAL DE TVRENNE, SVR SON TRAITÉ AVEC les Ennemis de l’Etat. , françaisRéférence RIM : M0_478. Cote locale : D_1_32.

Ciceron à Antoine, s’il a iamais esprouué ce que peut la
vertu pour retirer vn homme de son peché, & s’il a iamais
bien examiné la force de cette consideration : ou s’il a iamais
bien connu cette Iustice vengeresse qui suit tousiours le pecheur
à la trace ? Ne fait-il pas quelquefois reflexion sur la
rigueur des Iugemens des hommes ? S’il ne les apprehende
point à cause de son innocence, certes ie le loüe ; mais si la seule
presomption qu’il a de ses forces, l’empesche de les craindre,
il ne sçait pas bien ce qu’ils ont de redoutable pour ceux
qui ne les redoutent pas ?
 
Sed si to
laus allicere
ad rectè faciẽdum
non
potest, ne
metus quidem
à fœdissimis
factis
potest
euocate : Iudicia
non
metuis si
propter innocentiam
laudoisipropter
vim nõ
intelligis ci
qui isto modo
iudicia
non metuit,
quid sic metuendum.
Cic. 2. Phil.
Nous auons veu qu’ils n’ont rien laissé à consommer de
ce qu’il y auoit de complices autour de luy, cependant qu’il
a éuadé sans vne égratigneure. C’est vn feu qui s’est pris aux
Princes & aux Fauoris : mais ce n’est qu’vne rosée qui a rafraischy
le Duc de Bouillon, dont la bonté a porté du temperamment
à la puissance, & soulagé l’infirmité. Le Roy ne
pardonne pas à vn sang qui coule dans ses veines : & il souffre
qu’on luy arrache le cœur auec la teste d’vn confident,
tandis qu’il fomente dans son sein vn malade couuert de
playes, qui entraisne auec ses ordures vne partie de son fumier.
Le vent du Nort qui renuerse des maisons si superbes,
qui deracine les arbres, qui emporte ces grosses branches du
tige Royal, ne fait seulement que purger ce mauuais air.
Vne si heroïque action de clemence me ietteroit dans vn
transport d’où ie ne reuiendrois iamais, si ie ne sçauois qu’il
y va tousiours de la gloire des Roys, de pardonner à des ennemis
publics, & de n’employer que sobrement leur authorité
sur ceux qui font plus souuent des efforts à l’vsurper : Ils
ont d’autres voyes pour finir les crimes que la fin des criminels.
Et Louys XIII, d’heureuse memoire, en qui ces maximes
genereuses furent plusieurs fois remarquées, quoy qu’il
eust en horreur l’ambition du Duc de Boüillon, fit tousiours
vn estat particulier de sa personne. Il se contenta pour deliurer
le public du danger où il l’a voulu plusieurs fois precipiter
de luy oster sa force & son venin. Il luy prit Sedan au
lieu de sa teste : Ie trouue que c’est peu, apres n’auoir iamais
pû racheter celle du Duc de Montmorancy, le plus illustre
Gentilhomme de son Royaume, par les plus belles pierreries