[retour à un affichage normal]

Accueil > recherche > Affichage d'une occurrence en contexte

Mazarinade n° D_1_32

Image de la page

Anonyme [1650], AVIS AV MARESCHAL DE TVRENNE, SVR SON TRAITÉ AVEC les Ennemis de l’Etat. , françaisRéférence RIM : M0_478. Cote locale : D_1_32.


party par le respect qui vous y a attiré ? Si tant de funestes resolutions
que vous auiez iettées contre l’Estat à cette campagne
eussent treuué vn acheminement fauorable, dans quelle
mauuaise odeur ne vous metiez-vous point aux siecles à vestir ;
s’en fut-il trouué quelqu’vn d’assez doux pour vous, qui eust
pû s’en entretenir indifferemment, qui ne vous eust fait passer
pour vne peste dangereuse, dont le venin est capable de gâter
mille posteritez ? Mais que ne diront point les Espagnols,
que vous auez sacrifiez à la faim deuant Guyse, pour venger
vos propres iniures ; que vous auez perdus, apres qu’ils vous
ont eu fourny d’azile ? Auez-vous iamais esté plus ingrat que
depuis que vous poursuiuez si ardamment vne ingratitude ?
 
Dum genus
humanum,
dum populi
Romani,
nomen extabunt
tua
illa pestifera
intercessio
nominabitur.
Cic 2.
Phil.
Mais peut-estre, Monsieur, que ie me trompe, & que vous
n’auez en cecy que des cõsiderations honnestes qui regardent
le bien vniuersel ? Peut-estre que par cette vnion vous entẽdez
de porter la paix par tout le monde, & procurer vn bien egalement
vtile aux vns & aux autres, qu’ils n’osent pourtant desirer
ny esperer, parce qu’ils ont peur en le demandant de
l’obtenir comme vne grace, & d’en retenir la moindre partie
pour eux ?
I’aduoüe qu’auec vn peu plus de patience, vous vous pouuiez
mettre en fort bon estat, de connoistre auec fruict & auec
auctorité du different de ces deux Couronnes, qui ne peut
estre terminé ny par les conquestes ny par les traittez, & qu’vn
merite comme le vostre, qui auoit fait parler de luy auec admiration,
de ceux mesme qui n’en pouuoient parler qu’auec
douleur, eust pû conduire ce chef-d’œuure iusqu’à sa fin, sans
le tort qu’il s’est fait en rompant pour si peu de chose les attaches
de son deuoir : Mais quel fondement peuuent prendre
à present des Nations si difficiles à guerir, & qui font voir
playe sur playe, sur vne humeur si agitée, si trompeuse, qui quitte
comme le chien de la Fable, tantost l’ombre, tantost la piece,
& ne se sort iamais des termes de courir passionnément
apres ce qu’elle a vne fois delaissé.
Il y en a qui vous ont appellé par estonnement la Maistresse
du Cardinal Mazarin, lors qu’il disoit que vostre rare naissance
n’auoit rein de commun, & qu’il falloit pour la production
de tels hommes la conspiration de plusieurs années, & vn amas