[retour à un affichage normal]

Accueil > recherche > Affichage d'une occurrence en contexte

Mazarinade n° D_1_32

Image de la page

Anonyme [1650], AVIS AV MARESCHAL DE TVRENNE, SVR SON TRAITÉ AVEC les Ennemis de l’Etat. , françaisRéférence RIM : M0_478. Cote locale : D_1_32.


plus que quelque vaine ombre de commandement sur des
personnes qui ne sont remarquables que par leur honte, &
qui ne viuroient plus à present, si elles ne viuoient des pechez
de ce Royaume ; qui au party de là s’égaleront tousiours
à vous par la societé d’vn mesme crime ; & croyront d’auoir
autant de part à vne puissance qui n’appartient legitimement
à personne.
 
Ie vous declare donc pour tout ce qu’on pourroit craindre
de vostre infidele changement, que non seulement il vous est
pardonné ; qu’on l’approuue ; mais qu’encore la France se réjoüit
de voir qu’il y en ait qui s’estiment riches d’vne chose
qu’elle abandonne ; qui recueillent comme vn bouclier tombé
du Ciel, ce qui n’est rien qu’vn esclat qui vole de sa foudre,
& vn debris qui paroist à terre du coup de sa Iustice.
Elle n’aura iamais de raisons pour vous conuaincre, ny de
prieres pour vous fleschir : Peut-estre que les vnes ou les autres
vous ietteroient dans quelque presomption, de luy accorder
par grace vne chose qu’elle ne veut pas mesme attendre
de vostre deuoir : Et pour vous montrer quel est l’estat de
son egalité, & combien elle est immobile à toutes vos entreprises ;
elle ne veut pas seulement vous iuger digne de sa haine
apres que vous l’auez esté de son amitié : Elle ne songe ny
à vous absoudre ny à vous punir. La plus glorieuse façon de
se vanger des ingrats, n’est pas de punir leur ingratitude ;
c’est d’enseuelir leur memoire, & les condamner à vn oubly
eternel, puis que ce n’est pas assez pour leurs noires actions
qu’elles finissent auec leur vie, si elles ne s’esteignent auec leur
reputation.
Elle croit, comme il est vray, qu’il sera tousiours de la grandeur
de ses inclinations, de ne se ressentir que le plus tard qu’elle
pourra des vices, & de la lascheté de ses ennemis : & comme
elle n’en a point qui panche à la tyrannie ny à la foiblesse,
il faut croire que tout ce qui ne sçaura pas se conseruer dans
son esprit, aura vn dessein formé de se perdre.
Autrefois la plus fiere Republique du monde ne creust pas
qu’il y eust de la honte pour elle, de flatter par des sousmissions
vn Citoyen irrité ; & quand les Sacrificateurs, les vieillards
& les enfans, qui estoient sortis pour se ietter à ses pieds,