[retour à un affichage normal]

Mazarinade n° B_18_4

Image de la page

Anonyme [1652], LE MERCVRE DE LA COVR, CONTENANT Le Combat du Faux-bourg S. Antoine. L’Escarmouche de l’Hostel de Ville. L’Vnion enfumée. La Paille. Le Desespoir du Cardinal. Et le grabuge de la Cour. Miseremini mei, saltem vos amici mei, quia manus Domini terigit me. QUATRIESME PARTIE. , français, latin, italienRéférence RIM : M0_2452. Cote locale : B_18_4.

tous les iours, à la fin on n’y pourra plus remedier.
En disant cela vn Courier vint auertir S.
E. que l’Archiduc Leopold auançoit pour les
Princes, à grandes iournées. Le Cardinal Mazarin
dit tout haut, il faut sortir d’icy & nous en
aller demain ou apres, à Pontoise. Cependant
Monsieur le Garde des Seaux amusez tousiours
nos Deputez de cette esperance, & le iour que
nous partirons, vous leur direz que le Roy ne
peut leur rendre response, pour l’affliction qu’il
a de mon neueu Manzini, & qu’ils viennent à
Pontoise pour la receuoir, s’ils insistent à n’y pas
aller, comme ie n’en doute point ; vous leur direz
de la part du Roy, de l’attendre à S. Denis
iusqu’au lendemain midy que le Roy leur enuoyera,
cependant ie m’en vay voir mon Neueu
qui est à l’agonie. Le Cardinal se separa d’eux
& alla voir Manzini dans sa chambre, où il rencontra
les Chirurgiens qui le pensoient ; & Sa
Majesté qui faisoit de la charpie pour sa playe : il
l’embrassa d’abord en luy disant, courage, mon
Neueu, si vous en reschapez vous serez des successeurs
de Montmorency, voyez comme le
plus grand Roy du monde met la main à vostre
guerison : si vous auiez les escroüelles vous seriez
bien-tost gueri : disposez-vous à quitter ce
lieu funeste, puis que les Parisiens nous veulent
tant de mal. I’ay donné ordre de vous faire porter
demain dans vn brancard à Pontoise, auec