[retour à un affichage normal]

Accueil > recherche > Affichage d'une occurrence en contexte

Mazarinade n° C_3_73

Image de la page

T. M. [signé] [1649], LETTRE AV Rd PERE CONFESSEVR DE LA REYNE, SVR LA DIVERSITÉ DES AFFAIRES PRESENTES. , françaisRéférence RIM : M0_1814. Cote locale : C_3_73.


de vous faire ressouuenir d’vne Histoire
que vous me racontâtes autrefois de
Louys Maliam Comte de Flandre. La Ville
de Gand s’étant reuoltée au suiet de quelque
oppression, fut bien étroittement assiegée
par ce Comte ; & sans aucune esperance
de pouuoir estre secouruë, elle enuoya
le supplier qu’il leur voulût donner la vie, &
que du reste il fist ce qui luy plairroit. A
cela le Comte répondit qu’il estoit resolu de
n’accorder aucune condition, mais qu’il
vouloit qu’ils se remissent en tout & par
tout à sa volonté, que les Gantois, tant
hommes que femmes, sortissent de Gand
en pourpoint, la corde au col, se iettassent
à ses pieds, & luy criassent mercy ; pour
lors qu’il auiseroit ce qu’il auroit à faire.
Aprés auoir reçeu cette barbare réponse,
les Gantois (nullement aguerris) se resolurent
de mourir en hommes de courage,
plûtost que de se rendre à vn Prince si cruel
& si inhumain. C’est pourquoy ils ramassent
quelques trouppes, & font vne armée