Mazarinade n° B_11_34
Image de la page
Anonyme [1649], LA CONFERENCE DV CARDINAL MAZARIN, AVEC LE GAZETIER. Iouxte la coppie Imprimée à Bruxelles. , françaisRéférence RIM : M0_742. Cote locale : B_11_34.
vous y retourniez iamais ; mais croyez-moy, ce n’est pas mon interest
qui me fait parler, mais bien le vostre ; car apres auoir mis mon
esprit à la gesne, & tellement reserué, qu’il me semble que la suitte
de vostre vie, & tout ce qui se passe, n’est que resuerie : ie ne trouue
plus d’ouuerture pour vostre repos qu’vne seule, mais que ie
n’oserois proposer à vostre Eminence.
Le Card. Est-ce que tu crains que i’en fasse pareil iugement que
i’ay fait des autres ? ou que quelques-vns s’y trouuent engagez,
pour lesquels tu ayes plus d’affection que pour moy, ou desquels
tu esperes plus d’auancement, ou de protection ? Ie ne croy pas
pourtant qu’il y ait personne dans le Royaume qui te puisse faire
plus de bien que moy, si ie veux, ou te seruir d’vn plus fort appuy,
tant que ie seray sur le haut de la rouë, ou la fortune m’a esleué.
Gaz. Ce n’est rien de tout cela, Monseigneur, mais vne certaine
apprehension que i’ay, que vous ne iugiez autrement de la suitte de
mes aduis, que vous ne deuez pour la sincerité de mon affection à
vostre seruice, & pour lequel ie voudrois renoncer au chresme si
l’on m’en auoit donné, lorsque ie fus baptisé au presche. Ie vous
le diray pourtant en segret, quoy que nous ne soyons que nous
d’eux, & à l’oreille, de peur que les tapisseries ne nous entendent,
auec protestation de le dénier, en cas que V. E. en donnast la
moindre connoissance.
Le Card. Il faut que cet aduis soit de grande importance, puis
que tu y fais tant de mysteres, & y apportes tant de precautions,
mais c’est à la mode des Gazettes, afin de la faire trouuer meilleure.
Gaz. Nullement, & vous en allez iuger : C’est qu’il faudroit
laisser faire le Parlement pour l’establissement de la Chambre de
Iustice. Exposer à la lueur de leur chandelle, ceux qui ont leur
part apres vous, du bien de l’Estat : faire rendre compte aux heritiers
du defunct Cardinal, de ce que vous sçauez-bien qu’ils ont, &
qui ne leur appartient pas,. Exposer Esmery & toute la sequele des
Financiers & des Partisans, excepté quelques Italiens qui prendront
la fuitte, à l’examen de ces Magistrats incorruptibles : & pour
esteindre tous ces flambeaux funestes qui n’éclairent qu’aux funerailles
de la France, abbattre le chandelier qui les soustient, vous
entende z bien ce que ie veux dire : par ce moyen vous ferez plusieurs
& de tres-grandes choses. Vous ferez qu’on trouuera vn
grand fonds pour subuenir aux necessitez vrgentes de l’Estat, sans
qu’il soit besoin de rien emprunter, au contraire il y en aura encore
du reste pour contribuer au rachapt du Domaine du Roy, vous
Image de la page