[retour à un affichage normal]

Accueil > recherche > Affichage d'une occurrence en contexte

Mazarinade n° B_11_34

Image de la page

Anonyme [1649], LA CONFERENCE DV CARDINAL MAZARIN, AVEC LE GAZETIER. Iouxte la coppie Imprimée à Bruxelles. , françaisRéférence RIM : M0_742. Cote locale : B_11_34.


que les propheties les euenements. Voyons encore la
seconde, & iugeons par l’estat present des choses, s’il y a apparence
d’en craindre le succez.
 
Gaz. Monseigneur, si i’osois, ie supplierois V. E. de me dispenser
de la luy dire, neantmoins puis qu’elle le desire : la voicy, auec
priere que ie fais à Dieu, qu’elle se trouue autant fausse pour elle,
que ie souhaite qu’elle le soit pour moy mesme.
 
Au temps que NIRAZAM ayant gaigné la Poule,
Coq & Poulet ; plumé, fera gile drilleux :
Lors puant Roy Cretois, faisont saut perilleux,
Par infame licol fera chanter la foule.
 
Le Card. Celle-cy est encore plus difficile que l’autre, puis qu’elle
parle de noms barbares & des Roys de Crete. Pour mon particulier
ie n’ay point de passion de porter de Couronne, si ce n’est celle
de France, & pour ton regard ie n’estime pas que tu doiue quitter
Paris, pour aller en vn pays inconnu, où les peuples ne sont pas si
Badaux, que de t’enrichir pour des sornettes, Va, quitte ces imaginations
de Royauté, tu es trop vieil pour vn si haut dessein.
Gaz. Ah ! Monseigner, que V. E. parleroit autrement si elle
y auoit vn peu pensé. Ce nom que vous appellez barbare, & non pas
sans raison, c’est le vostre : car si vous lisez Nirazam à l’enuers, &
à la façon des Hebreux, vous trouuerez Mazarin : La Poule c’est la
Reyne, & pour le Coq & poulets plumez, cela signifie le Roy & les
peuples, dont vous auez tellement épuisé les finances, que sa cuisine
faute d’argent a esté deux fois renuersée, & le Royaume n’est plus
qu’vn hospital de gueux. Et c’est ce qui a excité les François à demander
vostre esloignement, à se roidir contre vostre tyrannie, &
à protester de n’estre iamais satisfaits que vous ne fussiez hors de
l’Estat : Voyez s’il se peut rien dire de plus facile en matiere de Prophetie,
& si ie n’ay pas suiet de craindre le funeste euenement qui
est predit par les deux autres vers ?
Le Card. Et quand cela seroit par les premiers, qu’en peus-tu
conclure pour ton regard des seconds ? t’imagines-tu d’estre Roy de
Crete, aussi bien que cet autre Roy d’Ethiopie ? En ce cas nous te
preparerons vn Palais aux Petites Maisons.
Gaz. Monseigueur, si vous auiez autant leu Saint Paul, comme
vous auez fait vn Autheur de vostre pays, qui ne croyoit point en
Dieu : Vous auriez trouué que la qualité qu’il donne à ces peuples,
c’est de ne dire iamais la verité, & d’estre tousiours menteurs, Cretenses