[retour à un affichage normal]

Mazarinade n° D_1_3

Image de la page

Morgues, Mathieu de [1643], LES DEVX FACES DE LA VIE ET DE LA MORT DE MARIE DE MEDICIS ROYNE DE FRANCE VEFVE DE HENRY IV. MERE DE LOVYS XIII. ROYS TRES-CHRESTIENS. DISCOVRS FVNEBRE. Par Messire MATTHIEV DE MOVRGVES Sr. de Sainct Germain, Docteur en Theologie, premier Aumosnier & Predicateur de ladite DAME ROYNE; Predicateur du ROY CATHOLIQVE, & Preuost de Harlebeke en Flandres. DEDIÉ A LA ROYNE CATHOLIQVE. , français, latinRéférence RIM : Mx. Cote locale : D_1_3.

estoient batus auec le marteau. Les flambeaux du
Paradis, qui sont les Saints, ne se font pas au moule,
mais sont forgez auec beaucoup de coups. L’or, l’argent
& les prierres precieuses se salissent auec l’huille,
& se nettoyent auec le vinaigre. Les abeilles font le
miel, & meurent si on leur en met sur le dos. Les
Grands peuuent prolonger la vie aux pauures, mais
les delices les font mourir deuant Dieu. Les tribulations
nous preparent pour luy, & nous rendent capables
de voir celuy, qui n’est entré en la gloire qui luy
apartenoit que par la porte des afflictions. Sa Mere
n’a point eu de priuilege, que de souffrir par dessus ses
seruiteurs, pour auoir vne plus grande recompense, &
on ne peut mieux mesurer les hauteurs de ses felicitez
que par les abysmes de ses miseres. C’est le riché ioyau
de la saincte Croix qu’il faut que chacun porte, s’il
veut qu’elle le porte au ciel qu’elle a ouuert. IESVS,
aprés auoir porté au supplice ce glorieux fardeau, qui
l’a porté de la mort au triomphe, estime ceux, ausquels
il en fait present, & remplit d’honneur les afflictions,
lors qu’il les appelle sa croix. Si Pline disoit,
que le Centenier, qui battoit le soldat auec la vigne
rendoit sa peine noble, à cause de la noblesse de ce
bois ; ne dirons nous pas que le Chrestien est ennobly
estant batu auec les verges qui ont esté consacrées sur
le dos du auueur du monde ? Il a voulu que le bois,
sur lequel il a expié tous nos pechez, fut le rameau qui