[retour à un affichage normal]

Accueil > recherche > Affichage d'une occurrence en contexte

Mazarinade n° C_1_13

Image de la page

Anonyme [1649], LA CHAMPAGNE DESOLEE Par l’Armée d’Erlach. , françaisRéférence RIM : M0_677. Cote locale : C_1_13.


contre Dieu, pour estre punis de la sorte. Les Allemans
disent tout haut qu’on leur a donné la Champagne
en paye & en proye : On ne peut pas s’imaginer
ce qui s’y passe, & les cruautez que l’on y exerce.
Vn Gentil homme nommé d’Arbois d’auprés de Rosoy,
estant proche d’estre pillé, composa auec des Allemands,
de leur donner vne somme d’argent, allans
chez luy pour leur liurer, ils apperceurent vne fille
assez belle, en mesme temps ils luy dirent qu’il n’y auoit
point de composition, si on ne leur donnoit cette
fille : ce Gentil-homme dit que c’estoit sa sœur, &
qu’il mourroit plutost, & lors il se retira & defendit
contre les Allemans qu’il chassa, mais aussi-tost revindrent
en plus grand nombre, forcerent la maison,
pendirent ce Gentil homme à la porte auec tous ceux
qui estoient dedans, & enleuérent la fille.
 
Vne autre histoire d’vn pauure Curé qu’ils enuoyerent
querir, sous pretexte d’apporter le Sainct Sacrement
à vne malade, il se vestit, & alla pour donner le
Saint Sacrement : Ces impies auoient fait coëffer vne
chevre, & l’auoient nichée entre-deux draps sur vn
lict, & voulurent violenter le Curé de luy donner le
Sainct Sacrement, ce qu’il refusa de faire courageusement,
ils le menasserent de le faire mourir, & il dit
qu’il n’en feroit rien, ils le tuérent, ie ne dis pas auec
quelle cruauté, cela fait horreur.
Ie crois vous auoir mandé qu’à trois lieuës de Reims
ils auoient tiré plusieurs coups sur le Sainct Sacrement,
en d’autres lieux ietté au vent, & en d’autres
fait dessus leurs sales excrements, je ne scay comme la
terre ne s’ouure pour engloutir tous ces scelerats.

D’ALINCOVRT.