[retour à un affichage normal]

Mazarinade n° C_1_6

Image de la page

Anonyme [1649], LA CASSANDRE FRANÇOISE, AVEC LE REVEIL-MATIN DES PARISIENS, , français, latinRéférence RIM : M0_644. Cote locale : C_1_6.

souuent capable d’vn sens que l’on applique aux accidens
qui viennent apres. La France conserue sa puissance
Royale au milieu des boute-feux & des volleurs,
qui la saccagent & qui taschent d’en faire vn embrazement
general, en massacrant tous les bons & genereux
François, qui ne furent iamais Espagnols ny
Monopolleurs, c’est à dire, les couppe-gorges du pauure
Peuple Parisien, ce débordement de ta grande &
belle riuiere, signifie le débordement de ses mœurs, &
l’oubliance que tu fais souuentefois de ton Dieu en le
blasmant, en te parjurant, & en mille autres façons.
Que cela te serue d’vn Resueil-matin, pour t’exciter à
te conuertir en mieux. Toute ta fortune & ta conseruation
dépend du Ciel contre des Sceleras, Etrudes,
Tygres, inhumains, & des Athées qui se mocquent de
Dieu & de sa Iustice. Dieu t’a preserué de ces accidens
que ie viens de dire ; Mais tu n’és pas encore eschappé
du mal, ny mesme d’vn autre troisiesme. Toutesfois
nonobstant les Propheties contraires, le Roy
des Roys sauua autrefois la grande & superbe Niniue,
apres que les habitans eurent fait vne vraye & non
feinte Penitence.
 
Tout le monde apperçoit que l’intention de nos
ennemis est de te rendre seditieux, s’ils pouuoient au
lieu que les bons Ministres d’Estat, pour empescher
vn si grand scandale, employent leur prudence & tous
leurs efforts. Ils te veulent affamer & reduire aux derniers
abois ; Mais Dieu qui renuersera leurs desseins
funestes, te rendra plus fort par les mesmes voyes
qu’ils cherchent pour te mettre en poudre. Ta necessité