[retour à un affichage normal]

Mazarinade n° A_4_8

Image de la page

La Mothe-Houdancourt, Henri de [?] [1649], CINQVIESME FACTVM, POVR MESSIRE PHILIPPES DE LA MOTHE-HOVDANCOVRT DVC DE CARDONE ET MARESCHAL DE FRANCE. CONTENANT LES INIVSTES ET extraordinaires procedures faites contre luy, par les artifices du Cardinal Mazarin. , françaisRéférence RIM : M0_2849. Cote locale : A_4_8.

à l’arriuée des trouppes qu’amenoit de France Monsieur
le Marquis de Villeroy. Monsieur le Mareschal de
la Mothe fut contraint d’en passer par là, quoy qu’il remonstrast
que ce secours seroit long à venir, & que cependant
l’Ennemy acheueroit ses retranchemens, & prendroit Gardin :
que le secours qu’on faisoit esperer venant de loin, seroit
si foible à son arriuée, qu’il ne suppleeroit pas aux troupes que
l’armée qui estoit assez forte, auroit perdu en l’attendant. Prection
veritable, car lors de la ionction l’armée se trouua moindre
qu’elle n’estoit lors de l’occasion perduë. Et depuis ce secours
arriué, Monsieur le Mareschal ayant voulu pout la seconde
fois attaquer les lignes, Monsieur de Castelan enuoyé
par M. le Cardinal, ne le iugea pas à propos : Et en donnant
le change, dist que l’aduis de son Eminence estoit pour compenser
la perte de Leyde, d’assieger Roses ou Terragone,
pourquoy on promettoit enuoyer par mer six mille hommes
qu’on auoit pris du licentiement de l’armée des Princes d’Italie,
apres la paix du Duc de Parme.
 
Monsieur le Mareschal de la Mothe, iugea l’entreprise de
Terragone plus à propos : d’abord il attaqua le Mole par mer
& par terre, & l’emporta par le plus effroyable assaut qui ait
esté donné dans toutes les guerres de ce siecle : y ayant eu de
part & d’autre, plus de huict mille coups de canon tirez en
deux heures. La prise de la Ville estoit indubitable apres ce
grand exploict, si Monsieur le Cardinal eust enuoyé les six
mille hommes qu’il auoit promis. Il les fit demeurer en Italie,
sous pretexte de la mort du Pape Vrbain ; les y iugeant
plus necessaires, pour fauoriser dans le Conclaue l’eslection de
Monseigneur le Card. Sachetti son amy, comme s’il eust esté
permis de mesler les armes dans l’electiõ du Chef de l’Eglise :
Neantmoins cette vision a cousté à la France la perte de Terragone :
car lors que Monsieur le Tellier enuoya vu courrier
pour donner aduis que ce secours demeuroit en Italie, il ne restoit
pas au siege deux mille hommes de pied : & les Mareschaux
de Camp continuant en leur bonne intelligence y agissoient