[retour à un affichage normal]

Accueil > recherche > Affichage d'une occurrence en contexte

Mazarinade n° B_18_8

Image de la page

Anonyme [1652], IOVRNAL ET ECLAIRCISSEMENT, des affaires presentes. , françaisRéférence RIM : M0_1761. Cote locale : B_18_8.


la Politique l’on a voulu faire tout passer de puissance absolue,
c’est pour lors que les Roys se sont ruinés eux-mesmes,
parce qu’ils ont osté ce temperament & cette chaisne qui les
vnissoit auec leurs peuples. Pour monter iusqu’à la source de
ces desordres, il ne faut que considerer l’ambition & l’auarice
des Ministres & des fauoris ausquels nos Princes ayant
abandonné la conduitte de leurs estats & toute leur authorité
ils ont tres-mal vsé d’vn pouuoir qui ne leur appartenoit
pas & qui a changé entierement la face de nostre Empire afin
que nous faisans perdre les loix de nos Peres, ils pussent faire
vne domination d’esclaues & destruire tout ce qui s’opposeroit
à l’insolence de leurs desseins & de leurs entreprises criminelles,
sans sarrester à la recherche de plusieurs exemples
des Siecles passés, nous n’auons qu’à ietter les yeux à lentour
de nous mesmes pour voir le couronnement de la tyrannie en
la personne d’vn Estranger lequel a rauagé tout le Royaume
& fait changer de face à cette Monarchie qui a esté tousiours
en veneration par toute la terre. Le Ministere du Cardinal
Mazarin n’a esté celebré que par le bouleuersement de toute
l’Europe où il a mis le feu de tous costez & n’a esté cimenté
que par le sang & le meurtre de plusieurs Illustres qu’il
a sacrifiés à sa vengeance & à l’iniustice de ses passions. Il est
monté a vn si haut point d’insolence que les Princes mesmes
ont esté les objects de sa fureur ayant chargé de Chaisnes
ceux qui en auoient chargé nos ennemis & fait Eclypser dans
des Prisons les Lumieres de nos triomphes.
 
Quoy que le feu Roy d’heureuse memoire eust ordonné
par son Testament cinq Conseilliers à la Reyne par l’auis desquels
toutes les affaires deuoient estre terminées ; Neantmoins
la compagnie la fit absoluë par son Arrest ne luy laissant
d’autres loix que l’execution de celles qui sont fondamentales
à l’Estat, le Cardinal Mazarin abuiant des boutez
de sa Majesté luy inspira cette mauuaise Politique que pour
bien regner il falloit regner par la force & la violence que
les Maximes du Cardinal de Richelieu estoient les plus seures
& que c’estoit en cela seul que consistoit le gouuernement
s’estant introduit dans le Ministere : il commença à
exercer sa tyrannie sur les personnes qui estoient au parauant
les plus cheres à leurs Majestez les plus affectionneez à leurs
seruice & au bien de l’Estat.