[retour à un affichage normal]

Accueil > recherche > Affichage d'une occurrence en contexte

Mazarinade n° B_18_8

Image de la page

Anonyme [1652], IOVRNAL ET ECLAIRCISSEMENT, des affaires presentes. , françaisRéférence RIM : M0_1761. Cote locale : B_18_8.


auoit creu qu’il n’y auoit point de seureté pour sa personne.
Mais apres tant d’horreur la Cour declara ledit Cardinal
Mazarin Perturbateur du repos public, ennemy du Roy &
de l’Estat & luy enjoignit de vuider du Royaume.
 
Toute l’Europe est temoin de nostre moderation & de la violence
de cet ennemy lequel ayant fait entrer les Estrangers
dans le royaume l’a rempli d’incendies, de violences & de
sacrileges le traitté de Ruel tesmoigne assez nostre soumission
& nostre condescendance, & pour combler cet Ennemy
de bien faits nous l’auons receu comme en triomphe
apres auoir si souuent empesché sa deffaite.
Afin que son ingratitude parust encor plus abominable
il n’a pas seulement exercé sa fureur contre ceux qui s’estoient
opposés a ses violences. Il a par vne impieté sans
exemple tourné sa rage contre vn Prince du sang, lequel
auoit esté son protecteur. Par vne trahison la plus detestable
qui se puisse trouuer parmy les hommes il a fait arrester
le Prince de Condé, le Prince de Conty, & le Duc de Longeville,
& publier en mesme temps vne Declaration pleine de
faussetez & de Calomnies, le rigueurs que ces trois Illustres
Innocens ont souffert dans leur Prison furent extremes, vn
homme cruel & barbare en eust la garde du quel ils n’apprenoient
d’autre nouuelles que celles qui les pouuoient affliger.
Il les fit transferer dans vn lieu qui fut tout à sa diposition
quoyque mal sain & apres que la Cour eust reconnu
leur innocence, elle en poursuiuit la liberté ioignant ses soins
aux glorieuses entreprises du Duc d’Orleans lequel par son
authorité brisa leurs chaines & donna la chasse au Cardinal
l’ayant obligé de se retirer hors du Roy. Entre plusieurs motifs
qui porterent ce Sage Prince de se declarer contre lc C.
Mazarin se peuuent mettre les discours desauantageux faits
par le Cardinal Mazarin en sa presence contre le Parlement
qu’il accusa malicieusement d’en vouloir au Roy comme celuy
d’Angleterre, la pernicieuse conduite de ce Ministre &
les funestes impressions que de semblables discours pouuoient
faire sur la ieunesse du Roy, ont fait connoistre à Monsieur,
ses malheureuses intentions. L’affection qu’il a tousiours
tesmoigné pour l’Estat, iointe à la connoissance qu’il
auoit de la fidelité du Parlement & des peuples l’obligerent à