[retour à un affichage normal]

Mazarinade n° A_4_5

Image de la page

La Mothe-Houdancourt (Henri de) [?] [1649], SECOND FACTVM, OV DEFENSES DE MESSIRE PHILIPPES DE LA MOTHE-HOVDANCOVRT DVC DE CARDONNE, & Mareschal de France, CY-DEVANT VICE-ROY ET CAPITAINE General en Catalogne. Auec plusieurs Requestes, Arrests, & autres Actes sur ce interuenus, tant au Conseil, qu’ailleurs. , français, italienRéférence RIM : M0_2849. Cote locale : A_4_5.

faire grands feux & grands bruits, & d’allarmer continuellement
les ennemis à coups de mousquetades : & escriuit à Dom
Ioseph de Margarith, d’aller auec ce qu’il pourroit amasser de
milices Catalanes se camper à S. Saloni & s’y retrancher,
estant vn endroit où il falloit de necessité que passast le Marquis
de Pouare.
 
Apres auoir donné ces ordres il demeura encor deux iours
combatant auec l’Armée ennemie, à laquelle il fit quitter les
montagnes, paroissant luy mesme par tout, afin de faire croire
au Marquis de la Ynoyoza qu’il ignoroit le dessein de la marche
de Pouare : & afin de l’entretenir dans cette creance, il fit
le soir du 25. venir dans sa chambre, comme s’il eust esté malade,
des prisonniers qui luy renuoyoit. Ayant lors communiqué
sa resolution à Mr du Terrail, auquel il laissa ce reste d’Armée
à commander, luy ordonnant garder tousiours ce poste
iusques à nouuel ordre : il partit & marcha sur des relais toute
la nuict ; en sorte qu’il arriua sur les 8. heures du 26. à Pierre où
estoit le Rendez-vous de ses meilleures troupes.
Vne heure apres son arriuée, les batteurs d’Estrade luy donnerent
aduis que l’ennemy defiloit en vn chemin creux peu
esloigné. Il le laissa aller, defendant à ses troupes de paroistre,
iusques à ce qu’il apprist que l’arriere-garde estoit moitié passée ;
& alors il fit charger si à propos, que quatre cens hommes
demeurerent morts sur la place & quãtité de prisonniers. Cette
attaque inopinée resserra l’ennemy, mais elle ne luy empescha
pas de continuer sa marche iusques au 28. qu’il y eust vn
grand combat, auquel la victoire balança long-temps, mais la
prise de D. Vincent de la Marre nous la facilita. Ce qui obligea
l’ennemy le lendemain 29. à faire volte face pour retourner
à Terragone ; iusques au 31. & dernier de Mars, que D. Pietro
d’Arragon & toute son armée harassée de tant d’attaques de
celle de France qui les escarmouchoit de iour, & les alarmes
continuels des Catalans les empeschant de reposer pendant la
nuict ; outre les viures qui leur manquoient, apres de si longues
marches & contre-marches : voyant les passages occupez,
& derechef pres de Villefranche attaquez de toutes parts en vn
troisiéme combat, ils furent contraints de demander quartier.