[retour à un affichage normal]

Mazarinade n° A_4_4

Image de la page

La Mothe-Houdancourt (Henri de) [?] [1649], PREMIER FACTVM, OV DEFENSES DE MESSIRE PHILIPPES DE LA MOTTE-HOVDANCOVRT DVC DE CARDONNE, & Mareschal de France, CY-DEVANT VICE-ROY ET CAPITAINE General en Cathalogne. Auec plusieurs Requestes, Arrests, & autres actes sur ce interuenus, tant au Conseil, qu’ailleurs. , françaisRéférence RIM : M0_2849. Cote locale : A_4_4.

& saufconduits, & apres les auoir concedé, les reuoquer ou
par vous mesmes ou par quelque autre. De cõceder des decrets
Sauuegardes, & mains sequestres dans lesdites Principauté &
Comtés. De legitimer & habiliter eux charges, & successions
de charges & d’heritage les Enfãs nés hors de legitime mariage
suppleer le deffaut de l’aage, donner & accorde lettres d’Emancipatiõ,
de faire Treue entre les combattans & autres quelconques :
De donner pouuoir de tenir & auoir des foires & Arriere-foires
& marché à certains iours & lieux : Donner aussi
pouuoir de main-leuee des censes perpetuelles, vsures, & autres,
d’exiger les droits de direttes : De leuer les droits de passages
de Pont & de Barques : de porter des armes offensiues &
deffensiues : d’exercer l’art de Medecine & Chirurgie.
 
Baillons aussi pouuoir de donner des Tuteurs & curateurs
aux pupils, & mineurs, d’en substituer & establir en leur place
s’ils viennent à deceder. De reuoir les causes d’appel & de requestes,
& autres quelconques, soit en tout ou en quelqu’vn de
leurs Articles, qui par laps de temps pourroient estre assouppis.
De donner pouuoir & accorder le droit de marcher, & d’vser
de represailles. De cõstituer establir & créer des Docteurs
en Droict Ciuil & Canon és arts de Medecine : comme aussi des
Notaires esdites Principauté & Comtez. De créer & casser si &
quand il vous semblera bon, des Capitaines de gens de Guerre,
tant sur mer que sur terre : Retirer les Gouuerneurs des Chasteaux,
pouruoir de tous les Offices triennaires, pour le temps
& terme de trois ans : & de toutes les autres charges perpetuelles
& Chastellenies sous nostre bon plaisir, comme aussi de faire
tous les autres actes qui sont reseruez à nostre Royale Majesté,
Vous donnant & concedant à ces fins nostre cher cousin
Philippe de la Mothe Houdancourt nostre Lieutenant general
toute la iurisdiction qui nous appartient, comme au Maistre
des Monnoyes, afin que vous vous en seruiez & puissiez seruir
contre les delinquans, comme representant nostre personne,
comme dit est ; & que vous puissiez generalement faire, &
pleinement exercer toutes & chacune des choses qui seront
necessaires, vtiles, & en quelque façon cõuenables à ce & pour