[retour à un affichage normal]

Mazarinade n° A_4_4

Image de la page

La Mothe-Houdancourt (Henri de) [?] [1649], PREMIER FACTVM, OV DEFENSES DE MESSIRE PHILIPPES DE LA MOTTE-HOVDANCOVRT DVC DE CARDONNE, & Mareschal de France, CY-DEVANT VICE-ROY ET CAPITAINE General en Cathalogne. Auec plusieurs Requestes, Arrests, & autres actes sur ce interuenus, tant au Conseil, qu’ailleurs. , françaisRéférence RIM : M0_2849. Cote locale : A_4_4.

EXTRAICT DES REGISTRES
de Parlement.
VEV par le Cour la Requeste presentée
par Messire Philippes de la Motte
Houdancourt, Duc de Cardonne,
Cheualier des Ordres du Roy, Conseiller
en ses Conseils d’estat & Priué,
Mareschal de France, cy-deuant Viceroy,
Capitaine & Lieutenant general
de Catalogne, Roussillon & Sardaigne :
Contenant qu’apres auoir
passé par toutes les charges & degrez
de la guerre, le deffunct Roy Louys XIII. luy auroit fait la grace
de l’éleuer à l’Estat & Office de Mareschal de France, luy
donner la Duché de Cardonne pour en iouyr luy & ses successeurs
à perpetuité, ensemble des Honneurs, Rangs, Sceances
& Priuileges appartenant à la dignité de Duc : il auroit aussi
esté pourueu de ladite charge de Vice-roy ; où il auroit seruy le
Roy pendant trois annees ou enuiron, auec autant de fidelité &
d’affection qui luy a esté possible, & reuenant de ladite Prouince
de Catalongne, il auroit esté arresté & constitué prisonnier
au Chasteau de Pierre encize à Lyon, où il est detenu de
puis le vingt-huictiéme Decembre, 1644. sans qu’on ait fait
aucune poursuite ny procedure qui soit venuë à sa connoissance ;
sinon que depuis peu de iours, il a appris que le Lieutenant
Criminel du preuost de Paris auroit informé contre luy, & que
quelques presidens & Conseillers du parlement de Grenoble
auoient esté commis pour luy faire son procez : Ce qui est contre
les formes & les reigles pratiquées dans ce Royaume. Et
d’autant que la connoissance de l’accusation faite contre le Supliant
appartient à la Cour priuatiuement à tous autres Iuges,
soit par les reigles generalles de la competence des Iuges, soit