[retour à un affichage normal]

Accueil > recherche > Affichage d'une occurrence en contexte

Mazarinade n° B_18_7

Image de la page

Anonyme [1652], IOVRNAL DE TOVT CE QVI S’EST PASSÉ PAR tout le Royaume de France. ENSEMBLE CE QVI S’EST PASSE dans le Conseil du Roy & de Messieurs les Princes & du Parlement. , françaisRéférence RIM : M0_1758. Cote locale : B_18_7.


Lieutenant de la Connestablie sur le duel du Duc
de Beaufort, lesquelles le Parlement ne trouuant pas
dans les formes quoy qu’il eust receu ses lettres de
remission le Lundy precedent, ordonna qu’elles seroient
faites par des Conseillers de la Cour pour y
estre fait droit : Il y eut aussi Arrest portant qu’il seroit
informé cõtre ceux qui s’assemblerent au Palais
Royal sur vne lettre de Cachet les 24. & 25. &
deffence de continuer ces sortes d’assemblées sur
peyne de la vie, & de porter paille ou papier au chappeau
pour oster tout pretexte de sedition, & de peur
qu’on agist extraordinairement contre ceux qui
s’estoient trouuez à cette assemblée. Le Parlement
de Ponthoise a verifié vne Declaration par laquelle
le Roy les prend en sa sauue-garde.
 
Monsieur le Prince retourna icy du Camp le 25.
fort incommodé, à present au lict d’vn deuoyement
& mal d’estomach, le Duc de Loraine partit
d’icy le mesme iour pour aller commander l’Armée
en sa place.
Neantmoins ledit sieur Prince a fait jetté le 29.
du courant dans Brie Conte-Robert 500 hommes,
& le Roy en a fait jetter dans Lagny 600.
Les lettres de Bordeaux du 23 arriuées icy le
27. portent que l’Ormée a traitté splendidement
le Prince de Conty & les Ducs d’Anguyen & de
Guyse & quelques quarante personnes de leur
Cour, que sous le Daiz de Leurs Altesses pendoient