[retour à un affichage normal]

Accueil > recherche > Affichage d'une occurrence en contexte

Mazarinade n° A_5_91

Image de la page

I. D. L. T. [signé] [1649], LETTRE CVRIEVSE SVR CE QVI S’EST PASSÉ DE plus remarquable à Paris depuis le iour des Roys, iusques à la fin de la premiere Conference; Auec vn petit discours de la vie & de la mort de Monsieur le Comte de Soissons. , françaisRéférence RIM : M0_1835. Cote locale : A_5_91.


parloit pas sans passion, puis qu’il vouloit persuader
au Roy, que quand il feroit chercher par tout son
Royaume, il ne trouueroit personne qui l’esgalast, &
qu’il disoit en suite que les affaires de sa Majesté, ne seroient
iamais ny plus secrettement, ny plus fidelement,
ny plus heureusement maniées, qu’en les mettant
entre les mains d’vn homme semblable au grand
Armand.
 
Il eut continué ces remarques si vn des escoutans ne
l’eut interrompu, & s’il n’eut dit d’vn ton assez haut
qu’il falloit confesser que le Cardinal de Richelieu
auoit esté vn grand homme, & qu’il s’en trouuoit peu
de mesme luy : Ces paroles l’obligerent à respondre
que c’estoit le langage ordinaire de ses creatures, & de
ceux qui estoient preoccupez de l’opinion de sa suffisance :
mais qu’il n’auoit iamais trouué personne qui
luy eust pû dire en quoy il auoit excellé au dessus des
autres, & que si ceux qui prenoient son party, sçauoient
quelque chose de particulier, ils luy feroient
faueur de le desabuser ; Ie vous aurois bien-tost satisfait,
repartit l’autre, si ce n’estoit qu’il ne faut pas deterrer
les morts, ny troubler leur repos en parlant de
leurs actions : mais son Antagoniste ne luy eut pas plutost
fait voir que si ce qu’il disoit estoit vray nous n’aurions
point de Reliques des SS. & leur vie ne nous seroit
pas donnée pour exemple. Il commença ainsi.
Ie n’auray pas beaucoup de peine à prouuer ce que
personne n’ignore, si ce n’est à ceux à qui l’esclat des