[retour à un affichage normal]

Accueil > recherche > Affichage d'une occurrence en contexte

Mazarinade n° A_9_27

Image de la page

Hanniques de Benjamin, Charles de [signé] / Gondrin, L. Henry de [signé] [1650], PROCEDVRES FAICTES CONTRE LES PP. IESVISTES DE LA VILLE ET DIOCESE DE SENS, ET ORDONNANCE DE MONSEIGNEVR L’ARCHEVESQVE. PORTANT DEFFENCES AVSDITS PERES d’Administrer le Sacrement de Penitence, sans permission & Approbation signée dudit Seigneur, où de ses Vicaires Generaux, sur les peines portée par jcelle. , françaisRéférence RIM : Mx. Cote locale : A_9_27.


coustumaces aux fins d’vne Commission du 6. iour du present
mois d’Ayril, comparant en personne d’vne part : Et
les Recteur & Iesuistes establis en la ville de Sens deffendeurs
non presentez d’autre part. A l’appel de la cause ;
Auons ce requerant ledit Promoteur ; donné & octroyé
coustumace troisiesme contre lesdits deffendeurs non comparans
ny Procureur pour eux combien qu’ils y fussent assignez
par Maistre Hierosme Bourjot Notaire Apostolique
demeurant à Sens, en parlant au Pere Nicolas Godet, l’vn
d’iceux en leur Conuent, comme par l’exploict dudit Boujot
en datte du iour d’hyer nous est apparu : Par vertu de laquelle
& des deux precedentes coustumace, lecture faite
du Rescrit de Nostre Sainct Pere le Pape Innocent X. donné
en semblable suiet, le 14. May mil six cens quarãte huict :
Et faute de nous faire apparoir par lesdits deffendeurs de
l’approbation qu’ils doiuent auoir de mondit Seigneur l’Archeuesque
ou de ses Vicaires generaux, d’entendre les Confessions
des fideles Chrestiens de la Ville, Faux bourgs &
Diocese de Sens : NOVS, suiuant les conclusions dudit Promoteur ;
Auons fait & faisons inhibitions & defences ausdits
Iesuistes defendeurs d’entendre lesdites Confessions iusques
à ce qu’ils se soient pourueus pardeuers mondit Seigneur
pour obtenir ladite approbation, & ce à peine d’excommunication :
Declarans nulles les Confessions qui leurs
feront faites au preiudice desdites defences : Et sera nostre
present iugement signifié ausdits defendeurs, publié aux
Prosnes & affiché aux portes des Eglises de ce Diocese, notamment
à la porte de l’Oratoire desdits Iesuistes, afin que
personne n’en pretende cause d’ignorance. Si mandons
à tous prestres Notaires Ecclesiastiques, Appariteurs
& Clers tonsurez du Diocese de Sens, prions en ayde de
droict le premier Sergent Royal sur ce requis, de faire tous
exploits necessaires pour l’execution des presentes, dequoy
faire luy donnons pouuoir. DONNÉ, & fait en iugement