[retour à un affichage normal]

Mazarinade n° D_1_15

Image de la page

Gondi, Jean-François Paul / cardinal de Retz [?] [1649 [?]], A Nosseigneurs de Parlement. , françaisRéférence RIM : M1_2. Cote locale : D_1_15.

ne peut pas estre considerable par aucun aduantage de sa fortune,
tant que les Ordonnances & les Arrests du Parlement,
subsisteront. Voilà pour la qualité du pretendu crime : quant à
la preuue il n’y en a aucune, & s’il y a eu des tesmoins ouys, c’est
par l’artifice de la partie secrette, & pour donner quelque apparence
au commencement d’vn procez qui authorisast l’emprisonnement,
quoy que cette partie secrette n’ait espargné ny
menaces ny promesses pour suborner les tesmoins, deux desquels
Brassy & Auancour Pensionnaires de la partie secrette,
& enrichis de ses bien faits depuis l’accusation, tenoient lors
desdites informations & premieres procedures, logis de prix
dans Paris, & n’entroient comme prisonniers à la Bastille qu’à
la rencontre de Messieurs les Commissaires de la Cour. Illusion
tres grande à Iustice, sans la quelle & la comparaison de leur
premiere condition à celle qu’ils tiennent auiourd’huy, il y a
des reproches assez grandes en leurs personnes, aussi bien qu’en
celle de Meusnier & des autres faux tesmoins, qui par le bon
traitement qu’ils reçoiuent dans la Bastille & Chasteau de
Vincennes, sont aisement discernez de ceux que les promesses
& les menaces n’ont pû suborner, & qui sont depuis quatre ans
abandonnez dans le plus noir cachot de la Bastille Pat toutes
ces violences la Cour connoistra comme la partie secrete se
preualant de l’authorité Royale, en abuse contre les loix de
l’Estat, qui ne permettent point d’emprisonner vne personne,
mesme de condition mediocre, sans ordre de Iustice, & sur vn
simple soupçon sans preuue suffisante.
 
Ce consideré Nosseigneurs, il vous plaise donner acte audit
sieur Duc de Vandosme de la declaration qu’il fait d’estre prest
de se iustifier à la Cour, si Monsieur le Procureur General entend
faire quelque plainte contre luy, ce qu’il sera tenu declarer
presentement, & ordonner qu’à la diligence dudit sieur
Procureur General, il sera incessamment procedé à l’instruction
& iugement du procez commencé contre ledit sieur Duc
de Beaufort, & ce pendant faire defences d’attenter aux personnes
& biens desdits sieurs Ducs de Vandosme & de Beaufort,
iusques à ce que par la Cour autrement en ait esté ordonné
& les mettre en la protection & sauue garde du Roy & de la
Cour, & vous ferez bien.