[retour à un affichage normal]

Accueil > recherche > Affichage d'une occurrence en contexte

Mazarinade n° C_10_11

Image de la page

Gondi, Jean-François Paul / [cardinal de Retz] [1649], SERMON DE S. LOVIS ROY DE FRANCE, FAIT ET PRONONCÉ DEVANT le Roy & la Reyne Regente sa Mere. PAR MONSEIGNEVR L’ILLVSTRISSIME & Reuerendissime I. F. Paul de Condy Archèuesque de Corinthe, & Coadjuteur de Paris: A PARIS DANS L’EGLISE DE S. LOVIS des PP. Iesuites, au iour & Feste dudit saint Louis, l’an 1648. , français, latinRéférence RIM : M4_79. Cote locale : C_10_11.


SERMON
DE S. LOVIS
ROY DE FRANCE, FAIT ET PRONONCÉ DEVANT LE ROY
& la Reyne Regente sa Mere, par Monseigneur l’Illustrissime
& Reuerendissime I. F. Paul de Condy Archeuesque
de Corinthe, & Coadjuteur de Paris, à Paris dans l’Eglise
de saint Louis des Peres Iesuites au iour & Feste dudit
S. Louis, l’an 1648.

IN NOMINE PATRIS, † ET FILII, ET
Spiritus sancti. Amen.
Audi, fili mi, disciplinam Patris tui.
au chap. 1. des Prouerbes.
SIRE,
I’apporte auiourd’huy aux pieds du Crucifix ce qui n’a presque iamais
seruy que de trophée à la vanité des hommes. Ie luy presente des Couronnes,
qui n’est pas le Sacrifice le plus ordinaire que l’on luy fasse. Ie luy offre
des armes, qui ne sont pas les instrumens les plus communs de la pieté. Et
ces armes, & ces Couronnes, qui n’ont presque iamais esté en vsage que comme
les marques profane de la grandeur humaine, peuuent estre auiourd’huy,
ce me semble, iudicieusement deposées dans vne chaire Chrestienne, comme
les trophées de la pieté, puis qu’elles ont esté sanctifiees par les iustes intentions
& par les actions heroïques du grand S. Louis, qui ne les a iamais portees
sur la terre, que pour la gloire du Ciel, & qui ayant fait couler dans vos
vaines, SIRE, par vne longue suitte de grands Princes, l’auguste Sang dont
vous sortez, sort auiourd’huy luy-mesme du tombeau pour vous instruire par
ma bouche, & pour porter à Vostre Maiesté cet oracle sacré :