[retour à un affichage normal]

Accueil > recherche > Affichage d'une occurrence en contexte

Mazarinade n° B_18_16

Image de la page

Anonyme [1652], IOVRNAL CONTENANT CE QVI SE PASSE DE PLVS REMARQVABLE EN TOVT LE ROYAVME. Depuis le Vendredy, 20. iusques au Vendredy 27. Septembre. 1652. , françaisRéférence RIM : M0_1740. Cote locale : B_18_16.


les quarrefours de la Ville, lesquelles auoient
esté escrites & imprimees à Pontoise, qui excitoit
le peuple à sedition, où estoit escrit, De
par le Roy : Sa Maiesté estant bien informee de
la continuation des bõnes intentiõs des Bourgeois
& Habitans de la bonne Ville de Paris,
pour son seruice & pour le bien commun de
ladite Ville, & des dispositions dans lesquelles
ils sont de s’employer de tout leur pouuoir,
pour y remettre toute chose en l’estat auquel il
se doit. Et pour se tirer de l’oppression ou ils
sont presentement, & se remettre en liberté
sous son obeïssance. Sa Majesté a permis &
permet ausdits Habitans & à chacun d’eux en
particulier, & en tant que besoin ; Elle leur
enjoint & ordonne tres expressément, de
prendre les Armes, s’assembler, occuper les
lieux & postes qu’ils iugeront à propos, combatre
ceux qui se voudront opposer à leurs
desseins, arrester les chefs & se saisir des factieux
par toutes voyes, & generalement faire
tout ce qu’ils verront estre necessaire & conuenable,
pour restablir le repos, & l’ẽtiere obeissance
enuers sa Majesté, & pour faire que ladite
Ville soir gouuernee par l’ordre ancien & accoustumé,
& par ses Magistrats legitimes, sous