[retour à un affichage normal]

Accueil > recherche > Affichage d'une occurrence en contexte

Mazarinade n° B_18_16

Image de la page

Anonyme [1652], IOVRNAL CONTENANT CE QVI SE PASSE DE PLVS REMARQVABLE EN TOVT LE ROYAVME. Depuis le Vendredy, 20. iusques au Vendredy 27. Septembre. 1652. , françaisRéférence RIM : M0_1740. Cote locale : B_18_16.



Le mesme iour nous eusmes nouuelles de Calais
de la deplorable de faite de nostre Armee Nauale
par celle des Anglois, qui l’attendoient au
passage pour aller secourir Dunkerque. Ceux cy
ayant fait signé qu’on abbaissast le Pauillon, &
les nostres n’ayant voulu rendre ce deuoir pretendu
par les Anglois, se virent en vn instant
canonez de toutes parts, deux vaisseaux furent
coulez à fonds, sept inuestis & pris par les Ennemis,
& les autres auec peine eschaperent, les victorieux
ont amené à Douure les sept vaisseaux
& y ont deschargé quatorze cents prisonniers,
& demãdent pour eschange les Millords d’lgby,
Montaigu & Germain, alleguant pour iustifier
leur procedé qu’il y a deux ans qu’ils poursuiuẽt
à la Cour du Roy Tres Chrestien, sans auoir eu
aucune sorte de satisfaction la reparation du tort
que les François ont fait à plusieurs de leurs Marchands
sur les deux Mers, ayant pris leurs vaisseaux
& saisi leurs marchandises, & assisté en
tout & par tout leur Ennemy. Apres cette capture
de nos vaisseaux, les Anglois ayant apris
que la ville de Calais estoit depourueuë de munitions
de bouche & de guerre, la pluspart de la
Garnison ayant esté enuoyée auec les viures au
secours de Dunkerque, sont venus audit Calais
pour l’inuestir, ce qui a grandement estonné la