[retour à un affichage normal]

Accueil > recherche > Affichage d'une occurrence en contexte

Mazarinade n° B_5_29

Image de la page

Anonyme [1652], ARTICLES ET CONDITIONS DONT SON ALTESSE ROYALLE ET MONSIEVR LE PRINCE, Sont conuenus pour l’expulsion du C. Mazarin hors du Royaume, en consequence des Declarations du Roy & des Arrests des Parlements de France interuenus sur icelles. , françaisRéférence RIM : M0_424. Cote locale : B_5_29.


qu’ils n’ont autre interest que celuy de l’entiere
seureté de leur personne, & soit qu’ils fassent des
progres pendant que le malheur de l’Estat les obligera
d’employer leurs armes pour l’expulsion du
C. M. ou que les affaires s’accommodent par son
exclusion, ainsi qu’il a esté cy-destus expliqué, de
ne prendre aucuns nouueaux establissemens, &
de trouuer leur entiere satisfaction dans celle qu’aura
la France de voir la fin des troubles & la tranquillité
publicque asseurée.
 
11. Son Altesse Royale, & Monsieur le Prince ont
estimé neantmoins à propos par bonnes considerations
de conuenir qu’ils procureront de tout leur
pouuoir dans l’acommodement qui se pourra faire
des satisfactions iustes & taisonnables de tous
ceux qui sont presentement engagez dans la cause
commune, ou qui s’y ioindront cy-apres, en sorte
qu’ils reçoiuent des marques effectiues de leurs
protestations autant qu’il leur sera possible.
12. Ce present Traicté a estè signé double par son
Altesse Royale, & par les Sieurs Comte de Fresque
& de Gaucourt, pour & au nom de Monsieur le
Prince, le Prince de Conty, & Madame la Duchesse
de Longueville, en vertu du pouuoir qu’en a
donné Monsieur le Prince, & qui a esté presentement
remis és mains de son Altesse Royale, par
ledit sieur Comte de Fiesque, lesquels se sont obligez
& s’obligent de fournir leurs ratifications dans
vn mois au plus tard. Faict à Paris le 24. Ianuier
1652, Signé, GASTON, Charles Leon de Fiesque,
Ioseph, de Gaucourt.

FIN.