[retour à un affichage normal]

Accueil > recherche > Affichage d'une occurrence en contexte

Mazarinade n° B_5_29

Image de la page

Anonyme [1652], ARTICLES ET CONDITIONS DONT SON ALTESSE ROYALLE ET MONSIEVR LE PRINCE, Sont conuenus pour l’expulsion du C. Mazarin hors du Royaume, en consequence des Declarations du Roy & des Arrests des Parlements de France interuenus sur icelles. , françaisRéférence RIM : M0_424. Cote locale : B_5_29.



8. Son Altesse Royalle & Monsieur le Prince ne
pouuant tenir pour legitime ny reconnoistre le
Conseil qui a esté estably par le C. M. vn de ceux
qui le composent, ayant acheté son employ auec
vne notable somme d’argent qu’il a donnée audit
C. M. & estant obligé chacun selon le degré du
sang dont il ont l’honneur de toucher sa Majesté,
d’auoir soin de ses affaires, en sorte qu’elles soient
bient gouuernées, promettent de n’entendre à aucun
accommodement que les Creatures & Adherents
publics dudit Cardinal M ne soient exclus
du Conseil d’Estat, & à condition qu’il ne sera
composé que de ceux dudit Conseil & d’autres
qui ne peuuent estre soupçonnés d’auoir aucune
part auec luy.
9. Et d’autant que les Ennemis de Monsieur le
Prince voulloient decrier sa conduite, en publiant
qu’il a des liaisons auec les Estrangers, S. A. R. &
Monsieur le Prince declarent qu’ils n’auront iamais
commerce ny correspondance auec eux, que
pour l’establissement de la Paix generalle, & qu’ils
n’en prendront aucune à l’aduenir auec aucuns
Princes Estrangers, quelle n’ait esté iugée auantageuse
au seruice du Roy & de l’Estat, par le Parlement
& personnes principalles qui entreront dans
la presente Vnion.
10. Et afin que les plus mal intentionés & les personnes
plus attachées à la fortune dudit C. M. Son
Altesse Royalle & Monsieur le Prince ont estimé à
propos de declarer expressement par cet article