[retour à un affichage normal]

Accueil > recherche > Affichage d'une occurrence en contexte

Mazarinade n° B_5_29

Image de la page

Anonyme [1652], ARTICLES ET CONDITIONS DONT SON ALTESSE ROYALLE ET MONSIEVR LE PRINCE, Sont conuenus pour l’expulsion du C. Mazarin hors du Royaume, en consequence des Declarations du Roy & des Arrests des Parlements de France interuenus sur icelles. , françaisRéférence RIM : M0_424. Cote locale : B_5_29.


de celuy-cy, & particulierement d’empescher
qu’il ne soit donné atteinte à l’obseruation de la
Declaration du 22. Octobre 1648. & pour cét effet
ils sont conuiez d’entrer en la presente Vnion
& de concourir aux fins pour lesquelles elle est
establie.
 
7. Le C. M. qui a tousiours gouuerné en effet,
quoy qu’il fust banny en apparence, ayant empesché
l’Assemblée des Estats generaux, dont le
Roy auoit promis la conuocation au 8. Septembre
1651. & ayant obligé les Deputez qui s’estoiẽ trouuez
à Tours au iour prefix, de se retirer auec honte
& confusion ; Et sçachant d’ailleurs qu’il ne changera
pas sa conduite qu’il a tenuë, & qu’il empeschera
par tous moyens l’effet qu’on attend de leurs
deliberations, ou que s’il est capable de consentir
qu’ils s’assemblent, ce ne sera que pour les mettre
dans vn lieu, où il soit le Maistre. Son Altesse
Royale & Monsieur le Prince pour obuier à ces
deux inconueniens, promettent & s’obligent de
trauailler incessament, afin de les conuoquer dans
Paris, ou dans la ville la plus prochaine & la plus
commode, en sorte qu’il puissent agir auec vne
pleine liberté, au quel cas ils declarent qu’il soumettent
de tres bon cœur ce qu’ils ont d’interest,
qu’ils protestent n’estre autres que ceux du Roy &
de l’Estat, à leur decision, dont il sera dressé vn
Edit perpetuel & irreuocable pour estre verifié
dans le Parlement de Paris, & dans tous ceux qui
[2 mots ill.] dans la présente Vnion.