[retour à un affichage normal]

Mazarinade n° B_18_18

Image de la page

Anonyme [1652], IOVRNAL CONTENANT CE QVI SE PASSE DE PLVS REMARQVABLE EN TOVT LE ROYAVME. Depuis le Vendredy 4. iusques au Vendredy 11. Octobre, 1652 , françaisRéférence RIM : M0_1740. Cote locale : B_18_18.

qu’il vouloit faire son decampement par
dessus ses ponts qui sont sur la riuiere de Seine :
Apres cela il choisit son temps pendant que le
Prince estoit malade, que les Generaux estoient
à Paris, ayant mesme lassé pendant trois nuicts
ses Ennemis, qui auoient esté sous les armes, &
auoient preparé des facines pour les aller attaquer,
comme il auoit apris par ses Espions, &
en suite fit defiler au commencement de la
nuict son Armee, laquelle passa sur des ponts la
riuiere d’Yere, sans faire beaucoup, la Caualerie
passant à gay & l’Infanterie sur les ponts.
 
Sur la minuict arriua vn Courrier au Luxembourg,
qui aduertit son Altesse Royale du decampement
de l’Armee du Mateschal de Turenne.
Le matin à six heures le Duc de Beaufort
& son Altesse de Lorraine partirent pour aller
au Camp, où estant arriuez, ils trouuerent que
les Ennemis auoient de filé la nuict, & estoient
desia vers Corbeil. Monsieur le Prince estoit
alors indisposé, & en ayant sceu la nouuelle en
tesmoigna vn si grand déplaisir, qu’il s’arrachoit
les cheueux, & disoit ie suis bien mal-heureux
d’estre malade pendant vne telle occasion : aussi
personne ne reuoque en doubte que s’il n’eust
esté arresté dans le lict, que le Mareschal de Turenne
n’en auroit pas eu si bon marché.
Le Samedy cinquiesme du courant, trois personnages,