[retour à un affichage normal]

Accueil > recherche > Affichage d'une occurrence en contexte

Mazarinade n° B_18_19

Image de la page

Anonyme [1652], IOVRNAL CONTENANT CE QVI SE PASSE DE PLVS REMARQVABLE EN TOVT LE ROYAVME. Depuis le Vendredy 11. iusques au Vendredy 18. Octobre, 1652. , françaisRéférence RIM : M0_1740. Cote locale : B_18_19.


de l’arriuée du Roy dans Paris, les Colonels
receurent le mesme iour des passeports de son
A. R. pour aller en Cour : & quelques vns
mesmes disoient que son A. R. deuoit se retirer
à Blois, auec toute sa maison nonobstant la
grosesse de Madame la Duchesse d’Orleans,
mais les mieux sensez iugeoient que son A. R.
& Monsieur le Prince, Duc de Lorraine, sont
en meilleure intelligence que iamais, & que le
Duc de Beaufort & Duc de Guise, estant demeurez,
la Cour n’estoient pas encore preste
pour venir.
 
Lundy 14. du mois, Messieurs de Parlement
suiuant leur Arrest du Samedy estant assemblez
son A. R. accompagnée de Monsieur le
Duc de Beaufort, du Mareschal d’Estampes &
autres Seigneurs, se rendit au Palais sur les
huict heures du matin, & dit à la Compagnie
que suiuant qu’il leur auoit promis Samedy
dernier il auoit enuoyé vn Courrier au Roy
auec 2. lettres, l’vne addressante à sa Majesté,
& l’autre au Duc d’Amville ; que par la premiere
il supplioit sa Maiesté d’agreer que son pacquet
luy fut presenté par Monsieur le Duc
d’Amville, puis que son premier pacquet ne
luy auoit pas esté rendu, & par l’autre le Duc
estoit prié de presenter le pacquet qu’il enuoyoit