[retour à un affichage normal]

Accueil > recherche > Affichage d'une occurrence en contexte

Mazarinade n° A_5_38

Image de la page

Bourbon-Vendôme, François de (duc de Beaufort) [signé] [faux] [1649], LETTRE DE MONSIEVR LE DVC DE BEAV-FORT A MONSIEVR LE DVC DE MERCOEVR SON FRERE. , françaisRéférence RIM : M0_2021. Cote locale : A_5_38.


semble trop rauallée, & passe à la derniere raison
que vous tirez de l’exemple du deffunct Prince de
Condé, qui rechercha auec beaucoup d’empressement
l’alliance du Cardinal de Richelieu.
 
Ie vous diray la dessus que iamais les sçauans
Politique n’ont asseuré qu’il fust permis de faire
vne faute à l’exemple des autres : ce que ie n’auance
pas pour faire voir qu’il y ayt eu du manquement
dans la conduite de ce Prince, puis qu’il fist
espouser à son fils vne Damoiselle de fort bonne
naissance, au lieu que vous recherchez vne petite
Harangere qui mandiroit son pain en Italie, si
son oncle par ses volleries n’auoit faict vn si grand
nombre de mandians en France.
Ie crains de m’estre vn peu trop estendu dans ceste
Lettre : & d’auoir manqué au respect que ie
vous dois (comme à mon aisné) mais vous me pardonnerez
(s’il vous plaist) au zele qui m’oblige à
vous representer que vous estes Prince d’vn Sang
Royal, que vous deuez plustost chercher Madamoiselle
de Guise qu’vne petite Paysanne. Que le
Cardinal Mazarin est ennemy de vostre maison, &
Italien : & que tout ce qui vient de sa part, ne peut
estre que suspect : pour moy ie crois que dans le
dessein qu’il a de vous perdre. Ie mets toutes choses