[retour à un affichage normal]

Accueil > recherche > Affichage d'une occurrence en contexte

Mazarinade n° B_13_5

Image de la page

Anonyme [1652], INVENTAIRE DES CHOSES PLVS MEMORABLES TROVVÉES au butin de l’armée Mazarine apres sa défaite, & qui auoient esté par eux volez en diuers lieux. Ensemble les cruautez incroyables par eux commises. , françaisRéférence RIM : M0_1728. Cote locale : B_13_5.


son bagage dans lequel s’est trouué vne Casette
pleine de Louys d’or & quantité de papiers
de consequence, touchant les ordres à
luy enuoyez par le Cardinal Mazarin, sur ce
qu’il auroit affaire, comme exact & fidelle
executeur des mauuais desseins de ce Tyran,
outre cela, il y a perdu toute sa vaisselle d’argent
qui estoit en grande quantité, & fait on
monter sa perte à plus de quatre cens mille
liures, bref il s’est sauué fort peu de chose
d’autant que les Mazarins estant battus de
tous costez & poursuiuis abandonnerent
tout leur bagage & ce qu’ils auoient volé en
leur marche, de sorte que le butin a esté estimé
plus de douze cens mille liures, belle &
ample recompense pour les soldats victorieux.
 
Mais en cecy à paru la pieté & la bonté de
Monsieur le Prince lequel tant s’en faut qu’il
ait voulut profiter de ce grand butin, au contraire
sa pieté naturelle se fit voir, en ce qu’il fit
entendre à tous les Bourgs Bourgades ou les
trouppes Mazarines auoient passé, qu’ils eussent
à venir reconnoistre ce qu’il leur auoit
esté volé, notamment les Ecclesiastiques desdits
lieux ausquels il fit rendre tous les Calices