[retour à un affichage normal]

Mazarinade n° B_2_29

Image de la page

Anonyme [1652 [?]], INSTRVCTION ROYALE, OV PARADOXE SVR LE GOVVERNEMENT de l’Estat. , français, latinRéférence RIM : M0_1710. Cote locale : B_2_29.

n’eussent iamais enuie de donner l’Empire à d’autre
qu’à luy, apres que les Dieux se lasseroient de le voir
regner parmy les hommes. Et Alexandre son fils,
ne dit-il pas estant à l’agonie de la mort, qu’il vouloit
que celuy qui se rendroit digne de l’Empire en
heritast dés qu’il ne seroit plus au monde.
 
Numa Pompilius natif de Cures, deuxiesme Roy
des Romains, donna vn si bon exemple à tous ses
sujets, qu’il n’y eut iamais aucune marque de desordre
en tout son regne. Au contraire le temple de
ce Dieu à deux visages, demeura ferme l’espace de
quarante-trois ans entiers, afin de pouuoir mieux
seruir de veritable pere à tous ses peuples. On ne
voyoit par toute l’Italie que festes, que ieux, que
sacrifices, & que banquets, ainsi que Plutarque
l’écrit en sa vie. Tout le monde trafiquoit sans danger
& sans crainte, comme si la conduite & la bonne
vie de Numa eut esté vne viue source de bons
exemples, de laquelle plusieurs ruisseaux fussent
deriuez pour aroser toute l’Italie, & que sa merueilleuse
façon d’agir se fut communiquée de main en
main, dans le cœur de tous les hommes.
Tous ceux qui desirent de regner en veritables
Souuerains, doiuent auoir cette doctrine deuant
les yeux, afin de voir par là comme quoy ils sont
obligez de donner vn bon exemple à tous leurs sujets,
& de seruir de veritable pere à tous leurs peuples,
ainsi que tous ces grands hommes ont fait,
pour s’acquiter du commandement qu’ils en auoient
receu des Dieux, & pour pouuoir mieux éterniser
leur memoire ; veu que le plus digne trophée du
regne des Souuerains, & la premiere bataille qu’ils