[retour à un affichage normal]

Mazarinade n° B_2_29

Image de la page

Anonyme [1652 [?]], INSTRVCTION ROYALE, OV PARADOXE SVR LE GOVVERNEMENT de l’Estat. , français, latinRéférence RIM : M0_1710. Cote locale : B_2_29.

nous l’apprend, écriuant à ceux de Corinthe : &
ainsi que Iustin tres excellent Historien l’a fort
bien expliqué, lors qu’il dit, que la premiere instition
des Roys, ne vient que de la reconnoissance
que certains peuples ont voulu faire à la merueilleuse
vertu dont quelques grands hommes se sont
trouuez reuestus pour le bien commun de toute
leur patrie.
 
Cyrus Roy de Perse, conferant auec quelques
Philosophes des vertus requises au Souuerain, leur
dit que celuy qui n’estoit pas meilleur que ses sujets,
estoit indigne de l’Empire. Leony Roy des Spartains
répondit à ceux qui luy reprochoient qu’il
estoit de pareille masse que les autres, que s’il n’eut
eu des qualitez bien plus excellentes que tous ses
subjets, qu’ils ne luy auroient pas mis la Couronne
sur la teste. Solon l’vn des plus Sages de tous les
Grecs, dit qu’il faut que le Souuerain se sçache
premierement gouuerner luy mesmes, auant d’entreprendre
de gouuerner les autres. Celuy qui n’est
pas capable de donner vn bon exemple à ses sujets,
& de seruir de veritable pere à la patrie, en vn mot
qui n’est pas bon à luy-mesmes, comment est ce
qu’il se pourra parfaitement bien démesler de la
conduite d’vne Monarchie, & mesme auoir quelque
espece de bonté pour les autres, dit la Sagesse
éternelle ?
Philippe Roy de Macedoine fit bien connoistre
à son fils, qu’il deuoit donner vn bon exemple à ses
subjets, & seruir de veritable pere à tous ses peuples,
quand il luy commanda de faire en sorte par
sa vertu & par sa conduite, que les Macedoniens