[retour à un affichage normal]

Mazarinade n° B_2_29

Image de la page

Anonyme [1652 [?]], INSTRVCTION ROYALE, OV PARADOXE SVR LE GOVVERNEMENT de l’Estat. , français, latinRéférence RIM : M0_1710. Cote locale : B_2_29.

du repos public, les peuples furent contraints de
créer vn chef, qui protegeast les bons, & chastiast
l’insolence de ceux qui ne se plaisoient qu’à malfaire.
 
C’est ce qui nous oblige à croire que les Roys
furent esleuez à cette dignité dés le commencement
du monde, & presque incontinent apres que
nostre premier pere fut chassé du Paradis terrestre ;
parce que ces venerables protecteurs de la cause
commune, estoient aussi necessaires en ce temps là
qu’en pas vne autre saison, attendu que la violence
& la cupidité commencerent leur regne auec les
hommes. C’est pourquoy S. Paul dit que le Prince
ne porte pas le glaiue sans cause, & qu’il est Ministre
de Dieu pour punir celuy qui se porte à malfaire.
Voicy de quelle sorte est ce que Ciceron parle
de ces matieres en son second liure des Offices. Il
n’est pas vray-semblable, dit-il, que les Roys ayent
seulement esté instituez des Medes, ainsi qu’il est
rapporté par Herodote, mais ie croy fermement
qu’ils ont esté créez par nos anciens peres : car le
menu peuple estant vexé par les riches & par les
opulens, fut contraint de se former vn superieur,
afin qu’il empeschast qu’on ne fit iniure aux infirmes,
& qu’il protegeast ses subjets contre toute sorte
de tyrannies ce qui n’est que trop confirmé par
le témoignage de l’Escriture sainte.
Caleb au liure de Iosué fit publier dans le camp
des peuples de Dieu que celuy qui les deliureroit
des tyrans & des assassins qui habitoient dans la ville
de Cariath-sepher auroit sa fille Axa en mariage :